HARGEISA , (HargeisaPress) —Golaha Guurtida Somaliland ayaa Maanta Ansixiyey Ajandaha Kal-fadhiggoodii 59-aad ee ay yeeshaan mudanayaasha golahaasi.
Waxaana kalfadhigan shir guddoominayey guddoomiyaha guurtida Somaliland Md.Saleebaan Maxamuud Aadan.
kal-fadhiggan ay mudanayaasha golaha guurtidu yeesheen ayaa waxa badiba kazoo xaadiray xildhibaanada golaha guurtida, iyada oo intuu u kalfadhigan socday codayn fartaaga xildhibaanadu kaga doodeen ansixinta ajadaha kalfadhigooda maanta.waxaa ogolaadey inuu ansaxo kal-fadhiggani 55 mudane, halka hal xildhibaan uu ka aamusey,Guddoomiyuhuna muu coddeyn.Waxaana sidaa ku ansaxaey kal-fadhiggii 59-aad ee golaha guurtida Somaliland.
Dhinaca kale xildhibaanada golaha guurtida Somaliland ayaa markii uu ansaxay kalfadhigaasi waxay soo jeediyeen xildhibaanadu In loo yeedho lana horkeeno golaha hortiisa taliya booliska Somaliland Cabdilaahi Fadal Imaan Wasiirada Maaliyadda Somaliland Marwo Samsam Cabdi Aadan iyo guddoomiyaha bangiga dhexe.
Waxaana la filayaa in masuuliyiintan ay xildhibaanada golaha gurtidu wax ka waydiiyaan su’aalo la xidhiidha shaqadooda sidoo kalena ay warbaxino ka dhagaystaan masuuliyiintan.
HargeisaPress News Desk — Hargeysa