HARGEISA , (HargeisaPress) βMunaasibad ay xilalka kula kala wareegayeen wasiiru dawlihii hore ee wasaarada maaliyada somaliland Dr. Maxamed Faarax DucaaleΒ iyo wasiiru dawlaha cusub ee dhawaan madaxwayne siilaanyo usoo magacabay wasaarada Mud.Boos Mire Maxamed oo isagu hore u ahaa wasiir ku xigeenkii wasaarada gaashaandhiga Somaliland ayaa manta ka qabsoontay hoolka shirarka ee xisaabiyaha guud ee qaranka Somaliland.
Waxaana munaasibad kasoo qayb galay wasiirka maaliyada Somaliland SamSam Cabdi Aadan agaasimaha, iyo waliba shaqaale waynaha wasaarada maaliyada.
Wasiiru dawlihii hore wasaaradda Maaliyadda Somalilad Dr. Maxamed Faarax Ducaale, oo xilwareejintaasi ka Hadley ayaa ku si feeyey shaqaalaha wasaaraddaasi inay ahaayeen shaqaale wanaagsan waxaana uu yidhi
βMarka hore waxaan aad iyo aadΒ ugu mahadnaqayaa madaxweynaha jamhuuriyadda Somaliland Md.Axmed Maxamed Maxamuud Siilaanyo,oo markii hore ii magacaabey xilkan,immikana iga qaadey,aad iyo aad ayaan ugu mahadnqayaa β
Sidoo kale waxaa uu wasiiru dawlihii hore wasaaradda Maaliyadda Somalilad Dr. Maxamed Faarax Ducaale, u mahad celiyey shaqaale weynaha wasaaraddaasi waxaana uu yidhi
βRuntii shaqaalaha wasaaradda Maaliyaddu waxay ahaayeen shaqaalihii ugu wanaagsanaa ee aan abid la shaqeeyo,iyagana aad iyo aad ayaan ugu mahadnaqayaa,waxaanan ku soo dhaweynayaa Boos,wasaarad ay joogaan shaqaale karti iyo aqoon lehβAyuu yidhi wasiiru dawlihii hore wasaaradda Maaliyadda Somalilad Dr. Maxamed Faarax Ducaale.
Geesta kale waxaa halkaasi ka Hadley wasiiru dawlaha cusub ee wassaaraddaasi Mud.Boos Mire Maxamed, oo hore u ahaa Wasiir ku xigeenkii wasaaradda Gaashaandhigga,waxaana uu ka codsadey shaqaalaha wasaaradda inay si fiican ula shaqeeyeen,isaga oo geesta kalena ka dalbadey dadkii inay Illaahay u baryaan inuu xilkaa u fudeeyo waxana uu sidoo kale ka dhawaajiyay inay ka goβan tahay inuu dadka iyo qarankaba ka shaqeeyo waxana uu yidhi.
βWaxaan marka hore u mahadnaqayaa madaxweynaha Jamhuuriyadda Somaliland Md.Axmed Maxamed Maxamuud Siilaanyo xilkan uu ii magacaabeyβWasiiru dawlaha cusub ayaa hadalkiisa sii raaciyey βWaxaanan ka codsanayaa shaqaalaha wasaaraddan inay iila shaqeeyaan sidii ay ula shaqeeyeen DR.Maxamed,waxaanan ballanqaadayaa inaan si fiican idiinla shaqeeyo,waxaad iigu duceeysaan inuu Illaahay xilkaa ii fudeeyoβAyuu yidhi wasiiru dawlaha cusub ee wassaaraddaasi Mud.Boos Mire Maxamed.
Wasiirka maaliyadda Somalilad Marwo Samsam Cabdi Aadan,oo xafladdaasi soo af-meertey ayaa u uga mahadcelisey wasiiru dawlihii hore mudadii ay soo wada shaqeeyaan iyada oo alle-na uga bariday inuu badalkeeda helo ,waxaana sido kale ay soo dhaweysey wasiiru dawlaha cusub ee lasoo magacaabay waxaanay tidhi.
βWaxaan u mahadcelinayaa muddadii aan soo wada shaqeyney wasiiru dawlihii hore,oo aan odhan karo wuxuu ahaa wasiir shaqo badan,wax badanna u qabtey qarankanβ
Wasiir Samsam ayaa sii raaciseyβWaxaan soo dhaweynayaa wasiiru dawlaha cusub ee wasaaraddan loo soo magacaabeyβAyey tidhi Wasiirka maaliyadda Somalilad Marwo Samsam Cabdi Aadan.
Ugu Danbaynti wasiirka maaliyada Somaliland ayaa iyadu xilalka u kala wareejisay labadan masuul iyada oo dhanka kalena shaqaaluhu ay shahaado sharaf ku maamuuseen wasiiru dawlihii hore Dr. Maxamed Faarax Ducaale .
HargeisaPress News Desk β Hargeysa