Hargeysa, (HargeisaPress) βJaamacada Admas ayaa maanta ka furtay magaalada Hargaysa tartan kubada cagta ah oo ay wada ciyaari doonaan laba iyo Tobon kooxoodΒ oo katirsan ardayda jaamacada admas dhigata.
Furitaankii tartankaasiΒ ayaa waxaa ka hadlay gudoomiye ku xigeenka Jaamacada Admas Xuseen Cabdilaahi iyo Gudoomiyaha gudida ardayda jaamacada Admas Ilyaas.
Waxa uu gudoomiye Ilyaas sheegay in tartankan ay jaamacada Admas soo qaban qaabisay ay ardaydu isku baran doonaan jaamacadaha kalana kaga dayan doonaan Jaamacada Admas.
Gudoomiye Ilyaas ayaa sidoo kale ku amaanay Jaamacada Admas garab istaaga ay had iyo jeertahay mid garab taagan dhalinyarada Somaliland.
Cabdiraxmaan Cumar ooΒ kamida ciyaartooyadii ugu cadcadaa ee Soomaray gobolka Gabilay isla markaana ah Tobobaraha Xulka Gobolka Gabilay imikana maamule ka ah garoonka Ciyaarsame Stadium ayaa isna jaamacada Admas ku amaanay inay wareeg noocan oo kale ah ay ardayda usoo qaban qaabiyaan taasi oo uu sheegay inay tahay talaabo mihiim ah oo uu ku dhiiri gelinayo jaacadaha kale ee dalkana inay kaga daydaan jaamacada Admas.
Ugu dambayntiina Gudoomiye ku xigeenka Jaamacada Admas Xuseen Cabdilaahi ayaa si rasmiya ufuray tartankaasi isagoo kooxahaΒ kaqayb gelaya tartankaasna usoo jeediyay inay ciyaar wanaag la yimaadaan.
Xuseen sidoo kale waxa uu is barbardhig ku sameeyayΒ wakhtigii dhalinyarada uu ahaa ee uu ciyaari jiray kubada garoomadii ay ku ciyaari jireen iyo hada garoonada ay dhalintu ku ciyaarto ee dooga macmalka ahi ku goglanyahay, isagoo sheegay in aanay ladkiisii nasiib uhelin inay ku ciyaaraan garoon goglan.
Gudoomiye Xuseen waxaa uuΒ sheegay in tartankani noqon doono tartan sanadle ah oo ay jaamacadaΒ Admas wadi doonto.
Tartankan kubada cagta ah ayaa ka socondoona garoonka kubada Cagta ah ee Ciyaar Same stadium oo kamida garoonka Casriga ah ee dhawaan laga hirgeliyay Hargaysa .
Jaamacada caalamiga ah ee ADMAS oo inta badan ka mid ah jaamacadaha sida hagar laanta ah ee uga qayb qaata kor u qaadida aqoonta dhalinyarada heerka jaamacadaha ee ku suga mandaqadani geeska afrika ayaa waxa ay Markasta ku dadaasha inay dhalinyarda isku soo dhaweyso .
HargeisaPress News Desk β Hargeysa