BOORAMA, (HargeisaPress) βHay’ada Muslim Aid SomalilandΒ ayaaΒ raashin mucaawimo ah u qaybisay 1200 oo qoys, kuwaasoo ka kala tirsan Gobollada Awdal iyo Gabilay.
Deeqdan oo isugu jirtay Bariis, Sonkor, Saliid iyo Timir, ayaa waxay Muslim Aid gaadhsiisay 1200 oo qoys oo ay saamaysay abaartii sannadkan oo dhibaato xoog lehu gaysatay dad iyo duunyaba.
Deegaannada Gobolka Awdal ee Deeqdu gaadhay waxaa ka mid ahaa Xariirad, Qulujeed iyo Dilla, halka Gobolka Gabilayna la siiyay Deegaanka Xuunshalay iyo Laaca.
Qaybinta Deeqdan waxaa goobjoog ka ahaa Agaasimaha Wasaaradda Dib u dejinta Cabbdinaasir Xaaji Daa’uud Warsame iyo Agaasimaha IPD-ska eeWasaaradda, Xoghayaha Gabilay iyo madaxda Muslim Aid oo uu horkacayo Β Guddoomiyaha Xafiiska Somaliland Sidiiq Maxamuud Gahayr.
Qoysaska loo qaybiyay raashinka kala duwan, ayaa dhammaantood ku qaabilay farxad iyo raynrayn, waxaannay si weyn ugu mahadceliyeen Hay’adda Muslim Aid iyo hawlwadeennadeeda, oo ilaahayΒ uga baryeen inuu ajar iyo xasanaad ugu bedelo.
HargeisaPress News Desk β Hargeysa
Follow us on Instagram:Β @Hargeisapress
Follow us on Twitter: @HargeisaP