HARGEISA, (HargeisaPress) β Xisbiga KULMIYE, ayaa buugaag ka mid ah kuwa la xidhiidha suugaanta iyo dhaqanka Soomaalida ku wareejiyey maktabadaha Maxamed Mooge iyo Gaandi ee magaalada Hargeysa oo ah goobo dhallinyaradu wax ku akhrisato.
Masuuliyiinta ka tirsan xisbiga KULMIYE, ayaa 25 nuqul oo ka mid ah buugga cusub ee Bad Macaan ee lagu ururiyey qaybo ka mid ah suugaanta Abwaanka caanka ah ee Xasan Xaaji Cabdillaahi (Xasan Ganay) ku wareejiyey labada maktabadood ee Maxamed Mooge iyo Gaandi maanta, si dhallinyaradu fursad ugu hesho ay kaga faaβiidaystaan suugaanta iyo dhaqankooda ku duuggan buuggan.
Madaxa Waaxda Warbaahinta ee xisbiga KULMIYE Mr. Cali Jaamac Maxamed oo uu uu wehelinayey Maxamuud Axmed Xirsi oo ka mid ah dhallinyarada ku firfircoon qoraalka iyo dhaqanka, ayaa buugaagtaasi ku wareejiyey masuuliyiinta maktabadahan.
Mr. Cali Jaamac Maxamed, waxa uu sheegay in xisbigooda oo mar walba diyaar u ah dhiirrigelinta iyo taageerida daβyarta uu ugu talogalay buugaagtan tiradoodu kooban tahay inay ka faaβiidaysaantaan dhallinyarada aan fursadda u helin inay iibsadaan, si ay kor ugu qaadaan barashada afkooda iyo dhaqnkooda hooyo.
Guddoomiyaha xarunta kaydka hiddaha iyo dhaqanka ee Maxamed Mooge Hoodo-ayaan Suldaan Aadan Faarax iyo weliba hawlwadeennada maktabada Gaandi, ayaa ka mahadceliyey deeqdaasi buugaagta ah oo ay sheegeen inay waxtar wayn u yeelanayaan dhallinyarada.
HargeisaPress News Desk β Hargeysa