Hargeysa, (HargeisaPress) βCulays siyaasadeed oo hab beeleed ku salaysan ayaa la soo darsay guddoomiyaha xisbiga KULMIYE Muuse Biixi Cabdi sidoo kalena ah murashaxa Madaxwayne ee xisbiga, kadib markii uu wasiirka Madaxtooyada Maxamuud Xaashi Cabdi soo bandhigay damaciisa ku aadan guddoomiyenimada xisbiga KULMIYE Muuse dabadii.
Sida xeerku dhigayo haddii xisbigu ku guulaysto doorashada, Guddoomiye kuxigeenka xisbiga ayaa bedeli doona guddoomiyha balse haatan waxaa jira loolan adag o u dhexeeya siyaasiyiinta isku beesha ka soo jeeda ee Maxamed Kaahin, Maxamuud Xaashi iyo Xasan Gaafaadhi oo dhamaantood quudaraynaya guddoominta xisbiga.
Sidoo kale wararka qaar ayaa tibaaxaya in tafaraaruq badani ku yimi beesha Madaxweynaha oo Xisbiga KULMIYE ka filaayay cudud tageero, taasina ay keentay in Madaxtooyadu Muuse Biixi Cabdi Murashaxa Xisbiga KULMIYE ku dirqiyayso inuu Maxamuud Xaashi si lamid ah sida Xisbiga WADDANI yeelay ku sii magacaabo guddoomiye ku meel gaadh ah .
Geesta kale arrinka xiisaha leh ayaa ah inaanay jirin meel uu Muuse Biixi u dhaafi karo Maxamed Kaahin oo ay inbadan soo wada halgameen, waxaana xusid mudan inuu Maxamed Kaahin wakhti adag oo ay dhamaan siyaasiyiinta ka soo jeeda bariga Burco ka soo horjeestee guddoomiye Muuse Biixi uu kaligii hareertiisa ku hadhay.
Ugu dambayn damaca Madaxtooyadu ay taageerada kaga kasbanayso beesha Bariga Burco ayaa la fili karaa inuu guddoomiyaha KULMIYE ku qasbo inuu goβaan taariikhdiisa khatar ku ah qaato, halka Xasan Gaafaadhi laftiisu aanu dab yar shidayn.
Dadka qaar falanqeeyay siyaasada ayaa ku macneeyay inay samayn weyn Β ku yeelan doonto Β Musharaxa madaxweyne ee Xisbiga Kulmiye Muuse Bixii Cabdi.
Lama oga siduu xaalku ku danbayn doona..
HargeisaPress News Desk β Hargeysa
Follow us on Instagram:Β @Hargeisapress
Follow us on Twitter: @HargeisaP