Hargeysa, (HargeisaPress) β Murrashixiinta Doorashada Golaha Wakiillada Somaliland ee Soo socota Jamaal Cali Aadan iyo Cabdirashiid Cabdilaahi Muuse ayaa si wada-jira u bogaadiyay caawa Caleemo-saarka Chief Caaqilka cusub ee Aadan Madoobe ee Beesha Habar-jeclo Chief Caaqil Barkhad Cabdi Shaybe oo xalay lagu caleemo Saaray Magaalada Burco ee Gobolka Togdheer.
Murrashixiintan oo caawa shir-saxafadeed ku qabtay Magaalada Hargeysa ayaa waxay si wada-jira ILAAHAY uga baryeen inuu Chief Caaqilka Cusub ee xilkaasi loo cumaamaday inuu ku asturo.
βWaxaanan ILAAHAY uga rajaynaa Barkhad Cabdi Shaybe inuu ka yeelo mid dadkiisa iyo dalkiisaba xilka culus ee loo dhiibay ugu adeega wada-jirkooda iyo midnimadooda oo ka dhaqan ahaan ku ilaaliyaa, ILAAHAY-na waxaan uga baryayaa inuu xilkaasi Culus ee loo igmaday inuu ku soo asturoβ.Ayuu yidhi Murrashaxa Jamaal Cali Aadan oo ka sharaxan doorashada Golaha Wakiillada Somaliland ee Soo Socota Gobolka Togdheer Magaaalo madaxdiisa Burco.
Sidoo kale, Murrashax Cabdirashiid Cabdilaahi Muuse (Caga-weyne) oo isna halkaasi ka hadlay ayaa waxa uu yidhi βWaxaan halkan ka hambalyaynayaa Beesha Aadan Maxamed (Aadan Madoobe) Habar-jeclo oo xalay ku caleemo Saaray Magaalada Burco Chief Caaqil Barkhad Cabdi Shaybe, isla markaana waxaan ILAAHAY uga baryayaa inuu xilkaasi Cusub ee loo igmaday u fududeeyo, oo uu noqdo kii Somaliland nabadeeda iyo wada-jirkeeda ka shaqeeya oo ku hogaaminaya nabaddaβ
βChief Caaqilkan Cusub ee la caleemo saaray Chief Caaqil Barkhad Cabdi Shaybe waa nin dhalinyaro ah oo aqoonyahana, waxaanan leeyahay ku soo dhawoow xilka Cusub ee lagu cumaamadayβ.Ayuu yidhi Murrashax Cabdirashiid Cabdilaahi Muuse oo isna ka sharaxan Doorashada soo socota ee Golaha Wakiillada Somaliland Gobolka Saaxil.
Labadan Murrashax ee kala ah Jamaal Cali Aadan iyo Cabdirashiid Cabdilaahi Muuse ayaa waxay sheegeen inay u kala sharaxan Beesha Habar-jeclo.
HargeisaPress News Desk β Hargeysa
hargeisapress@gmail.com