Hargeysa, (HargeisaPress) — Waaxda gar-soorka Somaliland ayaa si rasmi ah u shaacisay in ay laashay lacagtii cashuurta ahayd ee laga qaadi jiray gal-dacwadeedyadda madaniga ah, lacagahaasi oo la sheegay in ay ahaayeen sharci darro.
Sidaasina waxaa sheegay guddoomiyaha maxkamadda racaanka ee gobolka Maroodijeex md. C/rashiid Maxamed Duraan, oo maanta shir jaraa’id ku qabtay xaiiskiisa. Waxaanu sheegay in tallaabadaasi ay ka danbaysay ka dib markii uu arrintaasi wareegto ka soo saaray guddoomiyaha maxkamadda sare ee Somaliland Yuusuf Ismaaciil Cali.
Waxaanu tilmaamay C/rashiid Maxamed Duraan, in iyada oo laga duulayo barnaamijkii madaxwaynaha jamhuuriyadda Somaliland mudane Axmed Maxamed Maxamuud (Siilaanyo) ku balan qaaday in uu dib-u-habayn ku samaynayo xagga cadaaladda iyo gar-soorka, isla markaana taageero dhaqaale ay ka geysatay hay’adda UNDP ay g’aansatay maxkamadda racfaanka ee gobolka Maroodijeex in laga hirgeliyo Barnaamij la yidhaahdo maamulka xalinta kiisaska (Case Management).
guddoomiyaha maxkamadda racfaanka ee gobolka Maroodijeex, oo faahfaahin ka bixinayay go’aanka ay soo saareen iyo marxaladihii kala duwanaa ee uu soo maray, waxa uu yidhi “Waxaan doonayaa in aan halkan ku soo bandhigo anniga oo ka duulayo barnaamijkii madaxwaynaha jamhuuriyadda Somaliland mudane Axmed Maxamed Maxamuud (Siilaanyo) ku balan qaaday in uu dib-u-habayn ku samaynayo xagga cadaaladda iyo gar-soorka, ayaa imika in muddo ah ama sannad ah waxaa la waday sidii looga midho dhalin lahaa hawshaasi oo wakhti dheer soo socotay, tababaro badan oo loo qabtay, anaga oo meelo badan taageero iyo gacan ka helayna ayaa waxa aanu ku dedaalnay sidii ay suurto gal u noqon lahaayeen shirarkaasi, waxa koow ka ahaa oo aanu maanta doonaynaa in aanu halkan ka sheegno, Barnaamij la yidhaahdo maamulka xalinta kiisaska (Case Management) in laga fuliyo maxkamadaha gobolka Maroodi-jeex ee aan anigu masuulka ka ahay”.
C/rashiid Maxamed Duraan, ayaa sidoo kale waxa uu ka waramay caqabadihii ka hor yimid markii ay doonayeen in ay banaamijkani hirgeliyaan. “Markii la doonayey in mashruuca xalinta kiisaska laga hirgeliyo maxkamadaha gobolka Maroodi jeex waxa ka hor yimid caqabado badan, wax kasta oo la is-yidhaahdo wanaajiya iyo wanaag kasta oo lagu talaabsanayo dhibaatooyin ayaa ka hor imanaya ,waxa ka mid ahaa waxyaabaha ka hor yimid Lacago dadka laga qaadi jiray, oo aan sharciga waafaqsanayn, haddii shacuur tahay iyo gaadhsiiyeyaashu lacag ay qaataan iyo haddii ay tahay lacagta garaaca Araajida, taas oo ka dib ay dadwaynuhu cabashooyin fara badan had iyo jeer ta ay ka soo gudbiyaan ay tahay, oo ay yidhaahdaan Lacagayow baa maxkamaddii nalagaga qaaday. Hadaba guddoomiyaha maxkamadda sare mudane Yuusuf Ismaaciil Cali, waxa uu arrintaasi ka soo saaray wareegto ku saabsan in marka maanta laga bilaabo la joojiyey lacagtii laga qaadi jiray khidmadda nuquladda xukunadda madaniga ah. taasi oo aan halkan ku soo bandhigi doono, waxaana uu qoraalkaasi gudoomiyuhu u dhignaa sidan: waxa la idin farayaa in marka laga bilaabo sodanka Bisha sideedaad ee 2014-ka in dhammaan ay istaageen Lacagihii sharci daradda ahaa, ee sida aan sharciga waafaqsanayn looga qaadi jiray dadweynaha loo adeegayo ama maxkamadaha u yimaada Kiisaska” ayuu yidhi guddoomiyuhu.
Isaga oo hadalkiisa sii watayna waxa uu yidhi “Waxa kale oo iyadna hore u jriin ba xeerkii anshax marinta gar-soorayaasha ee ahaa in uu qabto cidda laga cabanayo ama cidda la leeyahay danbi ayay gashay, ama la doonayo in tallaabo laga qaado aan looba hayn xeer lagu anshax-mariyo, markaa imika waxaa la sameeyay xeerkii anshaxa, oo la faafiyey, lana soo daabacay. taasi oo ay qayb laxaad leh ka qaadatay Hay’adda UNDP, haddii ay tahay sidii loo soo daabici lahaa waraaqo is-tiikaro ah oo Gidaaradda loogu dhejiyo, isla markaana loo soo samayn lahaa, taasina waxay meesha ka saaraysaa dacaayaddii dadwaynuhu ay odhan jireen laa-luush ayaa layska qaadaa ama dhaliishii lagu hayey maxkamadaha iyo gar-soorka dalka. iyadoo arrintaasi laga duulayana waxaa dadwaynaha iyo cidii cabanaysa loo sameeyey meel ay ka cabato iyo goob ay ku hagaajiyaan Qoraaladooda, waxaa iyagana la soo Daabacay Boodhadh iyo Istiikaro waaweyn, kuwaasi oo laga hortaagay Maxkamadaha dalka hortooda iyo waliba kuwo yar yar oo xafiisyadda dhexdooda iyo gidaaradooda lagu dhejiyey. si ay dadwaynuhu u akhristaan nidaamka xeerka cusub ee laga dhaqangaliyey goobaha caddaalada, taasi oo macnaheedu yahay sidii dacwooduhu u heli lahaa meel uu u dacwoodo”.
Gudoomiyaha maxkamada racfaanaka gudiga cadaalada gudiga kormeerka iyo dabagalka si aanay cidba u waayi xataa hadii ay mid waayaan si ka kale loo helo Waxyaabaha case managmentku lagaga hortagayo ee ay u faa’iidaysay dadweynihii ayagana maxkamadaha iman jiray waxaa ka mid ah Dacwadihii maxkamadaha dadka ka soo qayb galaya kiisaska ku leh oo looogu dhajiyay albabada maxkamada qofkii dacwad leh maalintu imnayo maalinta uu dacwadiisa galayo maalinta loo mudeeyay Garsooraha haya taasina waxaa ay meesha ka saaraysaa saxmadii iyo buuqii dadweynuhu maxkamada isku hor tubi jireen oo loo sheegayo
Hadii ay waxqaad noqotana waxaa u xil saran gudoomiyaha maxkamada racfaanka ama kaaliyaha sare ee maxkamada Xukun la garaacayo oo qofka wixii la doono la waydiinayaa ma jiro file la gudbinayo oo lacag laga qaadayaa ma jiri doono file la tirakoobayo oo lacag laga qaadi doonaa ma jiri doono
Waxaanan leeyahay waxa halkan iman kara cidii dacwad leh oo kaliya in ay timaado maalintii dacwadooda loo mudeeyay in cidaasi oo kaliya timaado maxkamada taasina waa arin aad u mihiim ah, isla markaana Ha la joojiyo dhammaan wixii khidmadihii dheeraadka ahaa ee aan xeerka wafaqsanayn ee dadka laga qaadi jiray
Dadweynahana waxaa loo sheegayaa dee ninkii doonaya in uuu lacag bixiyow adigu maxkamadahana ha xumaynin dadkana ha xumaynine kaaliyaha iy gaadhsiiyahana ha xumaynine boodhadhkaas akhriso wareegtadaasina ku dhaqan, Waxaana fiican in dadweynuhu ay wareegtadaa ku dhaqmaan taasi oo albabada maxkamadana loo lagu dhajiyay
Ujeedo Wareegto ku saabsan kharashka khidmada garaacista nuqulada xukunada dacwadaha madaniga ha.