Hargeysa, (HargeisaPress) — Alle ha u naxariistee Sheekh Cabdillaahi Diiriye Sooraan, ayaa xalay ku geeriyooday magaalada Hargeysa kadib markii uu muddo xanuunsanaa.
Marxuum Sooraan, ayaa muddooyinkii u dambeeyay Mu’addin ka ahaa Masjid ku yaala Magalaada Hargeysa, waxaanu hore kaalin laxaad leh uga soo qayb qaatay fanka Soomaalida.
Guddoomiyaha golaha wakiillada iyo xisbiga waddani Cabdiraxmaan Cirro ayaa tacsi u diray ehelka iyo shacbiga Somaliland ee uu ka baxay sheekhu ”Illaahay ha u naxariisto Marxuum Sh. Cabdilaahi Diiriye Sooraan, dembigiisana ha dhaafo, Janadii Firdowsana ha ugu deeqo.
Ehelkiisii, Qaraabadiisii, asxaabtiisii & dhamaan shacabka Somalilandna Samir iyo iimaan,” ayuu yidhi Mudane Cirro.
Sidoo kalena hogaamiyaha xisbiga Kulmiye Muuse Biixi Cabdi ayaa tacsiyeeyay ehelka Marxuumka iyo shacbiga Waxaan tacsi tiiraanyo leh u dirayaa Cabdilllaahi Diiriye Sooraan qoyskii reer Diiriye Sooraan,Qaraabadii, eheladii, asxaabtii, bahwaynta fanka iyo qarankan Somaliland ee uu ka baxay Marxuum: CABDILLAAHI DIIRIYE SOOARAAN oo ku geeriyooday xalay magaalada hargaysa .Waxaan Illaahay uga baryayaa inuu jannadii ka waraabiyo Eheladii ,asxaabtii iyo qaraabadiiba Samir iyo Iimaan ka siiyo.”
HargeisaPress News Desk — Hargeysa
hargeisapress@gmail.com