HARGEISA , (HargeisaPress) —Waxaa galabta magaalada Hargeysa dib ugu soo laabtey isla markaana lagu soo dhaweeyey waftigii xukuumada Somaliland u soo saxeexay hishiiskii isticmaalka dekada Berbera ee dawlada Ethiopia ay isticmaalayso oo iyagu in muddo ahba safar ko joogay dalka itoobiya .
Waxaana waftigan oo ka koobnaa Wasaarada arimaha dibada , wasaarada qosheynta , wasaarada arimaha gudaha , mareeyahay dekada Berbera, rugta ganacsiga , wasaarada maaliyada ku soo dhaweeyey madaarka caasimad Hargeysa wafti wasiiro ah uu ka mid yahay wasiirka wasaarada Ganacsiga Somaliland Xussen Deyr .
Ugu horeyn waxaa madasha ka hadley mareeyaha dekada magaalada Berbera Cali Xoor Xoor oo waftigan hogaaminayaayey waxaaana uu sheegay in hishiiskaasi uu ahaa mid guul u ah Somaliland waxaana uu yidhi
“waxay aheyd barnaamij ay dawladu laheyd sidii loo hir galin lahaa ayaanu ugu maqneen dalka ethopia hawshaas oo tifo tiran waxaanu u gudbin doona xukuumada Sare waana la dhaqan galinayaa siduu heshiisku dhigaayo waxaana uu mashruucani faa,ido u yahay labada dawladood iyo labada shacaba ” ayuu yidhi mareeyaha dekada Berbera Eng Cali Xoor Xoor.
Sidoo kale waxa isna dhinciisa ka hadley wasiirka wasaarada Ganacsiga Somaliland Xussen Dayr waxaana uu sheegay in hishiiskan yahay mid wax tar u leh dalka Somaliland isla markaana hir galintiisu ay socotey muddo toban sanno ku dhaw waxaana uu yidhi
“Dhamaantiin tiimkani waa tiimkii bilaabay wada hadalkii ganacsiga iyo isku socodka labada dal ee Somaliland iyo Ethiopia , tagi taanka safarkii ay u baxeen 28 bishii dhamaatey waxaa uu dabo socdey kulmadii hore .
Isagoo wasiirku wali hadalkiisa sii wata ayaa waxa uu intaa ku daray
Run ahaantii guul bay kala soo noqdeen qarankana waa u guul , arinta adeegsiga dekada Berbera muddo badan ayaa ay socotey oo ilaa 10 sanno ah dakadeenana in la isticmaalo oo la casriyeeyo dan baa inoogu jirta oo dhaqaalaheena ayaa kor u kacaya ” ayuu yidhi wasiirka wasaarada Ganacsiga Somaliland Xussen Dayr.
HargeisaPress News Desk — Hargeysa