Hargeysa (Hargeisa Press)- Xukuumadda Somaliland, ayaa ku gacan saydhay goβaankii Soomaaliya ay ku dhawaaqday ee ay ku sheegtay inay ku xidhayso qaar ka mid ah baraha bulshada oo dadka Soomaalidu ay aad u isticmaalaan.
Soomaaliya, ayaa ku dhawaaqday inay xidhayso TikTok, Telegram iyo aaladda khamaarka lagu ciyaaro ee 1XBET, kadib goβaan ka soo baxay Wasaaradda Isgaadhsiinta iyo Tiknoolajiyadda ee Soomaaliya.
Hase yeeshee, Wasiirka Wasaarada Isgaadhsiinta iyo Teknoolajiyadda Somaliland Dr. Cabdiweli Cabdillaahi Suufi oo warbaahinta kula hadlay xafiiskiisa, ayaa sheegay in goβaankaasi aanu Somaliland khusayn.
βInama khusayso laba dal ayaynu kala nahay, oo midwalba ay dowladnimadiisu gaar u tahay markaa wax ina khuseeya maahaβ ayuu yidhi Wasiir Cabdiweli Suufi.
Sidoo kale, waxaa uu sheegay wasiirku in Somaliland ay samaysay xeer loo isticmaali doono danbiyada ka dhaca baraha bulshada iyo anshaxooda laakiin aanay xidhidu xal ahayn, sida ay sameynayso Soomaaliya, kadib markii ay dhibaatadoodu badatay barahaasi.
Somaliland, ayaa hore ugu dhawaaqday inay xidhyso aaladda khamaarka lagu ciyaaro ee 1XBET, laakiin waxay diidan tahay xidhida labada bar ee kale, kuwaasi oo ay Soomaaliya sheegtay inay xidhayso, taasi oo la ogeyn xilliga ay dhaqan-gal noqoneyso.