Rome (Hargeisa Press)- Silvia Romano, oo shalay dib ugu laabtay dalka Talyaaniga kadib 18 bilood oo ay haysteen kooxda Al-Shabaab, ayaa shaacisay inay diinta Islaamka qaadatay.
Silvia, oo ah Haweenay ka shaqeysa samafalka oo neovember 2018 laga soo afduubtay Kenya, ayaa Talyaaniga ka degtay iyada oo xidhan xijaab iyo dirac Soomaali, taasi oo dhalisay suβaalo ku saabsan inay islaamtay, waxayna xaqiijisay in sidaas ay dhacday.
Waxay sheegtay in goβaankeeda diin qadashada uu yimid bartamihii la haysashadeeda, islamarkaana uu ahaa mid ay si iskeed ah u qaadatay, oo aan lagu qasbin.
βWaxaa la i weydiiyey inaan akhristo qurβaanka, kadibna waan ku qancay, anigaana doortay inaan qaato diinta Islaamka, oo ma ahayn mid la igu qasbay,β ayay tidhi Silvia Romano oo ay soo xigteen warbaahinta Talyaaniga.
βBilihii la i haystay waxaan sidoo kale bartay qaar ka mid ah luuqadda Carabiga, oo ay i bareen kuwii i haystay, waxaana mar walba la isiin jiray kitaabka qurβaanka oo aan akhrisan jiray.β
Silvia waxay sidoo kale sheegtay in aanu jirin wax guur ama xidhiidh ah oo ay la sameysay kuwii haystay.
βQaadashadayda diinta waxay ahayd mid ku timid si tartiib ah. Ma jirin wax guur ama xidhiidh ah oo aan la lahaa kuwii i haystay, waxaa naga dhaxeysay kaliya is-xushmeyn,β ayay tidhi Silvia Romano.
Waxa ay intaas ku dartay in sidoo kale loola dhaqmay si wanaagsan islamarkaana ayna ku xidhnayn qol, balse loo ogolaa inay dhaq-dhaqaaqdo iyada oo dusha sare lagala soconayo.
βWaxay ii xaqiijiyeen inaan la i dili dooni, balse meelo badan oo kala duwan oo weliba xaafado la degan yahay ayaa la ii wareejin jiray muddo kadibba,β ayay tidhi.
Silvia Romano ayaa waxaa lasii daayey habeenkii Jimcaha, waxaana sii daysamadeeda ka shaqeeyay sirdoonka Talyaaniga oo kaashanaya kuwa Soomaaliya iyo Turkiga.