Hargeysa, (HargeisaPress) — Shir-guddoonka Golaha Guurtida Somaliland ayaa markii ay dhinacyadu aqbaleen qodobadii lagu soo af jaray Khilaafkii adkaa ee Golaha Wakiilada ay waxa ay isula tageen Madaxweynaha Jamhuuriyadda Somaliland.
In kasta oo aan war faahfaahsan laga soo saarin booqashada ay ugu tageen Madaxweynaha hadana waxa loo badinayaa in ay wax kala socodsiinayeen in la soo afjaray Khilaafkii Golaha Wakiilada iyo waliba in ay is gacan qaadaan Guddoomiyaha Golaha Wakiilada Md. Cabdiraxmaan Maxamed Cabdilaahi (Cirro) iyo madaxweynaha Somaliland Md. Axmed Maxamed Maxamuud (Siilaanyo) oo intii uu socday Khilaafka Golaha Wakiiladu warbaahinta hadalo adag isu mariyay.
Golaha Guurtida Somaliland ayaa intii ay xukuumadda Kulmiye Taladda Wadanka Haysay markii labaad dhexdhexaadin ku xaliya khilaaf adag oo soo kala dhex galay Golaha Wakiilada Somaliland.
