Laascaanood (Hargeisa Press) – Wasiirka wasaaradda Warfaafinta Somaliland Saleebaan Yuusuf Cali (Koore) ayaa shaaciyey in uu ka bogsaday xannuunka safmarka ah ee Covod-19, kadib markii uu maanta maray baadhitaan caafimaad.
Dhowaan ayay aheyd markii Wasiir Koore uu shaaca ka qaaday in isaga iyo ilaaladiisa laga helay xannuunka safmarka ah ee Covid-19, isaga oo is karantiilay, balse muddadii karantiilku maantay ayay u dhammaatay.
Sidoo kale, wuxuu intaasi ku daray in haatan xaaladdiisa caafimaad ay wanaagsan tahay.