Hargeisa (Hargeisa Press)- Musharax Khadar Maxamed Muxumed (Khadar Qoorgaab) oo u taagan doorashada golaha Deegaanka ayaa maanta soo kormeeray goobaha Diwaangalinta Codbixinta ka socoto ee magaalada Hargeysa.
Musharax Khadar Qoorgaab ayaa waxa uu u kuur galay sida ay uga socoto Diwaangalinta Codbixiyayaasha degmooyinka Axmed Dhagax iyo 31 May.
Musharax Khadar Qoorgaab ayaa Beeshiisu isku raacday in uu isku taago Doorashada golaha Deegaanka Hargeysa, taas oo taageero mug iyo miisaanleh laysku raacay in uu isku sharaxo Golaha Deegaanka Hargeysa.
Sidoo kale, Khadar Qoorgaab ayaa ah aqoonyahan la socda xaalada ay ku sugan tahay Caasimada Hargeysa, islamarkaana hamigiisu yahay in uu wax ka qabto baahiyaha kala duwan ee ka jira.
Waxaanu musharaxu balanqaaday in uu ka qayb qaadanayo horumarka caasimada Hargeysa, isagoona timaamay in caasimada Hargeysa ay u baahan tahay goledeegaan oo horumar gaadhsiiya.