Hargeysa, (HargeisaPress) —Maxkamadda Dastuuriga Somaliland ayaa Maanta go’aan kama danbays ah kasoo saartay dacwadii iyo codsigii ay maxkamadda sare u kala gudbiyeen madaxwaynaha Somaliland iyo masuuliyiinta xisbiga WADDANI ee ku saabsanaa go’aankii madaxwaynuhu ku kala qaaday labadii doorasho ee is barkanaa.
Gudoomiyaha maxkamadda oo go’aankan ku dhawaaqay ayaa sheegay in maxkamaddu ku raacday go’aankii madaxwaynaha ee ahaa in la kala qaado labada doorasho ee loo balansanaa in mar la wada qabto bilowga sanadka 2017.
Waxaana wakhtiga loo kordhinayo golaha wakiilada Somaliland loo gudbinayaa golaha guurtida Somaliland iyaga oo ku dhawaaqi doonaa wakhtiga loo kordhiyay xildhibaanada golaha wakiilada Somaliland iyo wakhtiga ay qabsoomayso doorasha wakiiladu.
HargeisaPress News Desk — Hargeysa
Follow us on Instagram: @Hargeisapress
Follow us on Twitter: @HargeisaP