Hargeysa, (HargeisaPress) โ Wasiirkii hore ee arrimaha dibadda iyo xidhiidhka caalamig ah Dr. Maxamed Cabdillaahi Cumar, ayaa goโaanka ay Midowga Yurub ku xidhayaan xafiiskooda Hargeysa ku tilmaamay mid ay hoos ugu dhigayaan ahmiyadii ay siin jireen Somaliland, waxaanu ku macneeyay talaabo u muuqata inay horudhac u tahay qorsheyaal cusub oo uu Midowga Yurub ku waajahayo Somaliland.
Dr. Maxamed Cabdillaahi, oo isagoo jooga magaalada Nayroobi ee wadanka Kenya waraysi siiyay Wargeyska Geeska Afrika, wuxuu sheegay in xafiiska Midowga Yurub uu hadda xaruntiisa ka dhiganayo magaalada Muqdisho ee dalka Somaliya halkaas oo ay doonayaan inay Somaliland-na ka maamulaan.
Dr. Cumar, wuxuu Madaxweyne Siilaanyo kula taliyay saddex qodob oo uu ku waajihi karo siyaasadda dibadda Somaliland. Waraysigaas oo uu Maxamed Cabdillaahi sidoo kale xisbiyada qaranka ugu baaqay inay arrinta Midowga Yurub ku waajahaan midnimo, wuxuu u dhacay sidan:
Sideed u aragtaa siyaasadda cusub ee ay Midowga Yurub kaga guurayaan xafiiskooda Hargeysa oo ay kaga tagayaan laba qof oo shaqaale ah oo iyagana la gaynayo xafiis kale?
Waxaan u arkaa go’aanka Midawga Yurub ee la xidhiidha xafiiskoodiiย Somaliland mid hoosย u dhigaya ( down grading) muhimaddiiย ay siin jireen Somaliland, waxaana muuqataย in talaabadani ay horudhac u tahay qorshayaalย cusub oo ay leeyihiin oo ku wajahanย Somaliland.
Midawga yurub wuxuu kaย mid yahay deeq bixiyayaasha ugu cimriga dheerย ee Somaliland la soo shaqeeyay, xafiis muuqdana ku lahaa. Maqnaanshiisuย wuxuu muujinayaaย isbedel siyaasadeed oo ka socda xagga Midawga Yurub.
Maxaad filaysaa inay siyaasadan cusub ee Midowga Yurub keentay, maxayse saamayn ku yeelanaysaa Somaliland?
Xafiska Midawga Yurub ee qaabilsan Somaliya wuxuu hadda xaruntiisa ka dhiganayaa Mogadisha, waxaana muuqato in hawlihiisa Somaliland halkaa lagu wado in laga maamulo.
Miyaad aaminsantahay inay dhaqaale xumo ku qasabtay goโaankan midowga Yurub mise sida ay dad badani aaminsayihiin waa siyaasad ka dhalatay muddo kordhinta guurtida oo ay beesha caalamka ee Somaliland taageertaa ka soo horjeedsatay?
Ma qabo in ay dhaqaale yaraani kaliftayย go’aankan ay qaateen, waayo lacagย badan ooย shaqaale dhimid iyo xafiis xidhidย ugu badbaadaysaaย ma jirto. Go’aankii Guurtidu ee khilaafsanaa heshiiskii saddexda xisbina inkastoo uu ka cadhaysiisay haddana ma keeni karo isbedelkan intaa le’eg, waayo beesha caalamkuย intooda badan way ka boodeen arrinka Guurtida. Go’aankan Midawga Yurubย wuxuu ka turjumaysaa qorsheย iyo isbedel siyaasadeed oo cusub oo ku waajahanย Somaliland.
Waxaan u soo jeedinayaa xukuumadda iyo xisbiyadaย qaranku inay ku baraarugaan isbedeladanย oo aan la siyaasadayn lagana wada hawlgalo waayo waxay yeelan karaan saamaynย siyaasadeedย oo baahsan.
Maxaad u soo jeedinaysaa Madaxweyne Siilaanyo oo dhinaca siyaasadda dibadda ah maadaama oo aad wakhti dheer ahayd wasiirka khaarajiga.?
Dhinac siyaasadda Dibadda waxaan Madaxwaynaha u soo jeedinayaa saddex arrimood oo muhiim ah. Kaw, waa in fariimaha xukuumadda ee ku waajahanย beeshaย caalamkuย ay ka soo baxaan meel kaliyaย (Wasaaradda Khaarijiga) iyagoo urursan, kana turjumaan mawqif kaliya. Hadda waxaa soo gaadha diblomaasiyiinta caalamka fikrado kale duwan oo iskhilaafsan oo aan soo marin wasaradda khaarijiga, kana turjumayn Madaxwaynaha siyaasaddiisa, arrintaasi may dhici jirin barigii hore, waxaan ku talinayaaย in la joojiyo.
Labo,ย in xoogga la saaro Kiiniyaย oo ah halka beesha caalamku ka ma’amushoย Somaliland, xafiiskii Somalilandna dib loo sooย celiyo. Safiirka cusub wuxuu bilaabay hindisayaal fiican oo u baahan in la taageero oo la dhiso.
Saddex,ย in Xisbulย xaakimku door muuqda oo kaabaya xukuumadda ka qaato wada shaqayn ta beeshaย caalamka.
HargeisaPress News Desk โ Hargeysa
hargeisapress@gmail.com