Hargaysa (HP): Bulshadda ku nool deegaamadda Jaleello iyo Xunbo-weyne ee gobolka Maroodijeex ayaa ku dhaliilay wasaaradda beeraha Somaliland in ay ka gaabisay la dagaalanka Ayaxa oo si xun u baabiiyay beeralayda deegaamadaasi.
Waxaanay waxba kama jiraan ku tilmaamay warbixin uu todobaadkan wasiirka beeraha Somaliland golaha Guurtidda ka siiyay la dagaalanka Ayaxa, oo uu wasiirku sheegay in ay si weyn uga hawl galeen.
Odayaasha iyo waxgaradka dulshadda ku nool deegaamadda Jaleello iyo Xunbo-weyne maanta warbaahinta la hadlay waxay sheegeen in ay si weyn u saamaysay dhibaatadda uu Ayaxu u gaystay.
Kaasoo xaalufiyay gebi ahaanba wixii dalagyo ahaa ee ay tabcadeen iyo sidoo kale dhirtii iyo daaqii oo uu cunay Ayaxu.
Waxaanay qaylo-dhaan iyo baaq u direen xukuumadda Somaliland gaar ahaana wasaaradda beeraha iyo haayadaha caalamiga ah ee ku shaqadda leh hawlaha la dagaalanka Ayaxa.
Daawo: Waxgaradka Jaleello iyo Xunbo-weyne Oo Arrimahaas Ka Hadlaya;
Hargeisa Press.com/Hargaysa Office.