Hargeisa (Hargeisa Press) — Xukuumadda Somaliland ayaa waxaa ay maanta Xabsiga ka sii daysay Mulkiilihii guud ee Telefiishanka Astaan, Cabdimanaan Yuusuf.
Maxkamadda gobolka Maroodi-jeex ayaa bishii November xukun adag ku riday Cabdimanaan Yuusuf iyo Telefiishanka Astaan.
Waxaanay Maxkamadda gobolka Maroodi-jeex mulkiilaha Astaan Tv ku xukuntay 5 Sanno oo xadhig ah, in la xidho TV-ga Astaan iyo Ganaax lacageed oo gaadhaya 2 Million oo lacagta shilinka Somaliland ah.
Cabdimanaan Yuusuf ayaa waxaa cafis u fidiyay Madaxweynaha Somaliland Muuse Biixi Cabdi, sida ay ehelkiisu sheegeen.
Milkiilaha Astaan oo markii hore laga afduubtay Hotel ku yaalla magaalada Hargeysa ayaa muddo lagu hayey xabsiga weyn ee Hargeysa.
