Hargeysa, (HargeisaPress) —Xukumadda Somaliland ayaa markii u horeysay ka hadashay garyaqaanki guud ee Somaliland mudane Ibraahin Iidle Salebaan oo madaxwaynaha Somaliland maliintii shalay ahayd u magacaabay gudoomiyaha maxkamada sare ee somaliya.
Wasiiru dawlaha wasaarada arimaha gudaha Somaliland mudane Maxamed Muuse Diiriye oo wax laga waydiiyay sida ay xukumaddu u aragto arinkaasi ayaa waxa uu ku tilmaamay inuu garyaqaanku u shaqo tagay magalada muqdisho,waxaana uu xusay inaanu marnaba waxba u dhibi doonin jiritaanka iyo qaranimada Somaliland.
Wasiiru dawlaha arimaha gudaha mudane Maxamed Muuse Diiriye oo arimahaasi ka hadlay ayaa waxa uu yidhi.
“Arintani garyaqaankii guud loo magacaabay gudoomiyaha maxkamada way dhici jirto dad iska shaqo tagi jiray way jiraan waxaanu lamid yahay boqolaal reer somaliland oo u shaqo tagay xamar, wax dhibaato ah oo u keeni karaana ma jiro Somaliland iyo qarinamadeena toona, waana shakhsi barina I cafiya ayuu odhan doonaa”Sidaas ayuu hadalkiisa kusoo koobay wasiiru dawlaha wasaarada arimaha gudaha Somaliland mudane Maxamed Muuse Diiriiye
Si kasteba ha ahaatee waxaan ilaa hada la garanayn talaabada ay xukumaddu ka qaadi doonto dadka ku dhaqaaqa khiyaamo wadanka ee hadana dib usoo dalbada cafis loo fidiyo.
HargeisaPress News Desk — Hargeysa