Hargeysa, (HargeisaPress) β Wefti ka socda Wasaaradaha Beeraha iyo Kalluumaysiga Somaliland, ayaa Maanta Safar shaqo ugu Ambo-baxay Caasimadda dalka Kenya ee Nairobo.
Weftigan oo ka kooban Wasiirka Beeraha Dr. Maxamed Aw Daahir Ibraahim, Agaasimaha guud ee Wasaaradda Beeraha Cabdilaahi Ismaaciil Faarax., Wasiirka Kalluumaysiga Cali Jaamac Faarax (Buureed) iyo Wasiir ku-xigeenka Wasaaradda Kalluumaysiga Maxamed Sheekh Aadan, ayaa Nairobo ku tagay casuumad ay ka heleen Hayβadda cuntada iyo beeraha Adduunka ee FAO, iyaga oo muddada ay halkaa joogaan shirar la yeelan doona hayβado kale.
Wasiirrada beeraha iyo Kalluumaysiga Somaliland oo intii aanay Madaarka Diyaaradaha ee Hargeysa ka dhoofin la hadlay Saxaafadda ayaa faahfaahiyey ujeeddada socdaalkooda.
Wasiirka Beeraha JSL Dr. Maxamed Aw Daahir Ibraahim oo ugu horeyn halkaa ka hadlay ayaa yidhi, βWaxaanu Maanta Safar Shaqo ugu baxaynaa Magaalada Nayroobi ee dalka Kenya, weftiga aan ka mid ahay oo ka koobaan Wasiirka Kallumaysiga iyo Khayraadka Badda Cali Jaamac Faarax (Buureed), Wasiir ku xigeenka Wasaaradda Kalluumeysiga Maxamed Sheekh Aadan iyo Agaasimaha guud ee Wasaaradda Beeraha Cabdilaahi Ismaaciil Faaraxβ
Dr. Maxamed Aw Daahir oo sii hadlaya ayaa sheegay, βSafarkayagana ujeeddadiisu waxay tahay casuumad aanu ka helnay hayβadda FAO fadhigeeda Nayroobi iyo hayβadaha kale ee ka shaqeeya wax soo saarka iyo cuntada, si aanu ugala hadalno kobcinta wax soo saarka dalka. Haddii Alle yidhaahdo waxaanu ku maqnaan doonaa Shan maalmood, iyada oo aanu jecel nahay inaanu la kulano hayβado badan oo ka shaqeeya wax soo saarka ama dalkeena ha degganaadaan oo fadhigooda halkan ha ahaado ama halkaasiba ha degganaadaane oo aanu kala hadli doono arrimo badan oo wax soo saarka iyo Kalluumaysiga ah.β Ayuu yidhi
Wasiirka Wasaaradda Kalluumaysiga Β iyo Khayraadka Badda Somaliland Cali Jaamac Buureed oo isna halkaasi ka hadlay ayaa yidhi, βWaxaanu maanta u baxaynaa safar shaqo oo qaadan doona muddo shan cisho ah oo aanu Nayroobi ku tagayno, isla markaana hayβadda FAO noo fududaysay tegida iyo shirarka u horeeya oo aanu iyaga la gali doono ka dibna aanu la gali doono shirar hayβado badan iyo ururro badan oo Caalami ah oo ay ka mid yihiin African Union-ku, EU-da iyo hayβaddo kale oo xidhiidh la leh Wasaaradahan aanu masuulka ka nahayβ
Wasiir Buureed waxa kale oo uu sheegay, βWaxaanu jecel nahay in maadaama oo dalkeenu inuu cagihiisa isku taago dhinaca cuno isku filaanshaha loo baahan yahay aanu hayβado badan oo arrintaasi naga kaalmayn jiray shirar la sooΒ yeelano shirarkaasi oo hore loo qaban jiray, markaa waxaanu safarkaasi ka rajeynaynaa in aanu ka soo faaβiidno wax qaranka wax u taraya Insha Allaah, haddana waad la socotaan oo mashaariic Kalluunka iyo Beeraha ku sabsan ayey hayβadahaasi nala wadaan, waxaananu rajeynaa inaanu soo helno kuwo kale oo dalka iyo dadkaba wax u tara Insha Allahβayuu yidhi oo uu hadalkiisa ku soo gabogabeeyay Wasiirka Kalluumaysiga Somaliland.
HargeisaPress News Desk β Hargeysa
hargeisapress@gmail.com