Hargeysa, (HargeisaPress) —Maansadan waxa la yidhaa (ISU DARAN) waxaan sameeyay 25/07/2016 waa maanso ka hadlaysa is badalka dhaqanka,xidhiidhka bulshadu siduu isu rog rogo iyo in aan ilaahay wada hortagayno qiyaamaha iyo qodobo kale waxaan codsanayaa in fahanka wixii adkaada layga soo waydo su,aalo,waxaan ka cudurdaaranayaa qaladaad hadii aad la kulantaan xaga qoraalka iyo xaga hab maanseedka.
AKHRIS IYO WADAAG WACAN
FADLAN USII GUDBI BULSHADA
Lama dadin xaqiiqada
Jamashaduna dookh iyo
Dareenbay ku dhalataa
Ma duugowdo garashadu
aqoonbaa wax daristee
Duryan maaha guushuna
noloshana inbaa daran
In ka daranna waa buux
Isu darana loo daran
laga daran wixii daran
Wax ka daran la sheegyoo
waxa caawa kuu daran
Cid inuu u daranyahay
waxa kuugu daran baad
Ugu dari markhaatiga
Aragtida durkaysee
Daruuraha ku fooftiyo
dalbashada is raacaay
Dalaw hayska ridinoo
Gobanimo dikhawdaye
Dunuubtaay hasii fidin
Damac leexsanoow gubo
Dib u noqo balaayooy
Afartaa dudubiyoo
Inta aan is daba dhigay
Sida dirawal aan wali
Ku daashoonin gaadhiga
Dirqi ugu afuufoo
ereyada diciifka ah
Ku caameeyay dunidoo
Dagamdagam ka siiyee
duqayntiyo ujeedada
Adba waad dareemiye
damqashooy war li,idaa
Miyaan laysu diir nixin
Labadii duruuftiyo
dantu ay midaysee
Isku dabaqad joogee
Jeebka darajadiisiyo
Duunyada sinaan jiray
Mid haduu dallaco oo
Isagoon dadaal badin
Dabayluhu gargaaraan
Qofkuu dooni jirayee
Dorraad uu la noolaa
Dugsigana ka dhigan jiray
Mar haduu dafiray uu
intuu diido garabkii
Doc faruuro wacadkoo
Bulsho kale ka door bido
Ama duurxul liitiyo
U badheedho digashada
Wax uu doortay weeyoo
Runtii waa dariiq furan
Damiirkiisa yeelkii
Marna deeqda loo siman
Xilligaa is doorshoo
kas gaab doogi maayoo
samaantiina durugtoo
Duugga waa la eegiye
Mar hadii la doorbiday
Dhaqamada danaysiga
Dadnimana sidaa tahay
Daacadnimo dhamaatoo
Wanaaggaa dakaamaye
Doqoniimo ba,anaa…….!!!
Wax ka daran miyaad garan
Markay kuugu darantahay
Oo ad qof kuu daran
Wax u daran taraysoo
Dhanka doonistaadana
Lagaa diido kelidaa
Danaystuhu xaguu qaban
Danyartiyo miskiinkaa
La dulmiyay aduunyada
Xaqoodii la duudsiyay
Waa loo diyaarshee
Ninka dila xaqiiqdee
diintu aanay qabannee
Dafiraaya samahoow
Sharci kuma dabaalee
ilaahaa ku dilayee
Kusoo saari doonaa
Dadkan wada abuurtaye
Is difaac qiyaamaha
Axmed Cismaan Batuun…2016…
Dhamaaaad