Qaramada Midoobay: “Aqoonsiga Somaliland Wuxuu Fursad U Yahay Ammaanka Geeska Afrika”

0
1595

Geneva (Hargeisa Press)- Golaha Xuquuqal Insaanka Qaramada Midoobay, ayaa laga soo jeediysy in aqoonsiga qarannimada Somaliland ay wax ka tari doonto mustaqbal ammaan ah oo ay helaan dhammaan dadka Geeska Afrika.

Kalfadhiga 54-aad ee Joogtada ah ee Golaha Xuquuqal Insaanka Qaramada Midoobay oo Salaasadii 10 October 2023 lagu qabtay Xarunta Geneva, ayaa lagu dhageystay dood la xidhiidha muhiimada aqoonsiga Somaliland.

Cali Maxamed, oo ka tirsan khuburada Golaha Xuquuqal Insaanka Qaramaada Midoobay oo khudbad ka jeediyey kulanka, ayaa si weyn u ammaanay horumarka Somaliland.

“Aqoonsiga Somaliland waxa uu wax weyn ka tari doonaa xasiloonida mandaqada, dhiirigelinta wada shaqaynta iyo wada hadalada u dhexeeya ummadaha. Somaliland waxay hore u muujisay inay tahay saaxiib la isku hallayn karo ee la dagaalanka argagixisada iyo budhcad badeeda, aqoonsigani wuxuu ugu yaraan xoojin doonaa iskaashigaas.”  Ayuu sheegay khabiir Cali Maxamed.” ayuu yidhi.

Khabiir Cali waxuu intaa ku daray, “In la aqoonsado Qarannimada Somaliland waxa ay ka qayb qaadanaysaa nabad iyo barwaaqo inay u horseeddo dhammaan shucuubta Geeska Afrika, taasina waa sababta aanu ugu baaqayno in aad gacan ka geysataan qadiyadan, si wadajir ah ayaanu uga dhabayn karnaa arrintan, oo dhiirigelinaysa. Dad badan oo Geeska Afrika ah iyo kuwa kaleba, waxaan bedeli karnaa habka taariikhda, waxaanan rejo gelin karnaa kuwii xorriyadda iyo dimuqraadiyadda u soo halgamay” ayuu yidhi.

Qadiyadda Madaxbanaanida Jamhuuriyada Somaliland inay gaadho xarunta Qaramada Midoobay ee Xuquuqal Insaanka, ayaa la sheegayaa inuu ku yimi dedaaladda madaxda Wasaaradda Arrimaha Dibedda iyo dublamaasiyiinta caalamka u jooga dedaal dheer ugu jira horumarinta qadiyadda aqoonsiga Somaliland.

LEAVE A REPLY

Please enter your comment!
Please enter your name here