Boocame (Hargeisa Press): Ciidamadda booliska ee degmadda Boocame oo ka tirsan gobolka Sool ayaa maalmihii u danbeeyay fuliyay hawl-gallo ay kula dagaalamayaan mukhaadaraadka.
Waxaanay gacanta ku soo dhigeen maandooriyeyaal kala duwan iyo dadkii gacanta wadatay.
Sida uu sheegay maayarka degmadda Boocame ee gobolka Sool Faarax Cali Maxamed, oo maanta soo kormeeray saldhiga booliska degmadaasi.
Waxaana naayarka halkaas ku soo dhaweeyay taliyaha saldhiga booliska Boocame oo uga warbixiyay hawl-gallo ay muddooyinkan sameeyeen iyo waxyaabihii ay ku soo qabteen.
Maayarka Boocame ayaa ku bogaadiyay ciidamadda booliska degmadaasi sida wanaagsan ee ay shaqadoodda u gudanayaan.
Geesta kale Faarax Cali Maxamed, ayaa u mahad celiyay badhasaabka gobolka Sool C/qani Maxamuud Jiidhe, oo uu sheegay in uu mar walba ku dhiiri geliyo sidii horumar dhinac walba ah u samayn lahaayeen.
Sidoo kale maayarka ayaa u mahad celiyay taliyaha ciidamadda booliska Somaliland iyo taliyaha qaybta booliska gobolka Sool.
Daawo: Kormeerkii Maayarka Boocame:
Hargeisa Press.com/Hargaysa Office.