Hargeysa, (HargeisaPress) — Waxaa beryihii ugu danbeeyey qaar kamida gobolada galbeedka Somaliland ay saamaysay abaar xoogani ayaa waxaa dadka deegaankaasi kasoo yeedhayey dhawaaq qeylo dhaan abaareed iyo biyo la,aan islamarkaana ku aadanaa Hay’addaha iyo Dawlada Somaliland ayaa waxaa beryihii ugu danbeeyey socday kulamo lagu gorfaynaayey sidii looga wada qeyb qaadan lahaa mucaawino gar gaara oo la gaadhsiiyo dadkaasi dhibaataysan.
Hadaba kulan uu hogaaminaayey Madaxweyne Ku Xigeenka JSL Cabdiraxmaan Cabdilaahi Isaamciil (Saylici) islamarkaana ay wehelinaayeen Wasiirka Wasaarada Qorshaynta Qaranka Dr. Sacad Cali Shire iyo Lataliyaha Madaxweynaha Hay’addaha Caalamigaa Cabdifataax Siciid Axmed Xafiiska Madaxweyne ku xigeenka ayey la yeesheen Hay’addaha Samafalka iyadoo kulankaasi lagaga wada hadlay qorshihii lagu waajihi lahaa sidii looga wada qeyb qaadan lahaa caawinta abaarahaasi.
Kulankan dhex maray Masuuliyiinta Xukuumada iyo Hay’addaha Samafalka ayaa daarnaa sidii looga jawaabi lahaa dhawaaqii abaareed ee kasoo yeedhaey deegaanada Galbeedka Somaliland oo ay ku dhufatay Abaar xoogani sidoo kalena ay weheliso biyo la,aan baahsani, masuuliyiinta Xukuumada ee uu horkacaayey Madaxweyne ku xigeenku ayaa hay’adaha samafalka usoo bandhigay doorka xukuumadu ku leedahay gargaarka deg degaa ee loo fidinaayo dadkaasi dhibaataysan sidoo kale hay’addaha looga baahan yahay inay si deg deg ah uga qeyb qaataan gargaarkaasi.
Hay’addaha muwaanida ayaa dhankooda soo bandhigay inay si deg deg ah uga qeyb qaadan doonaan gargaarkaasi iyo mucaawinada la gaadhsiin doono gobolada iyo degmooyinka abaaruhu saameeyeen, iyagoo kulankaasina dhexmaray iyaga iyo xukuumadaba balan qaaday dhankooda wixii kaga soo hagaaga inay diyaar u yihiin.
Si kastaba ha ahaatee Abaarahani ayaa saameeyey qaar kamida gobolada galbeedka Somaliland iyadoo in badan meelaha qaar ay ku dhinteen xoolahu halka dadka qaarnkiina u geeriyoodeen haraad biyo la,aaneed waxaa muuqata Dedaalka Xukuumada ugu jitro gurmadka deegaanadaasi.
HargeisaPress News Desk — Hargeysa
hargeisapress@gmail.com