Bristol, (HargeisaPress) —Maareeyaha Wakaalada Biyaha Hargeysa Mr. Ibraahim Siyaad Yoonis oo safar shaqo ku jooga dalka Ingiriiska ayaa sheegay inuu kulan la yeeshay Jaaliyada Reer Somaliland ee Ingiriiska.
“Waxa aan kulan ballaadhan la yeeshay la yeelanay Jaaliyada Reer Somaliland ee ku dhaqan Magaalada Bristol,” ayuu yidhi Mr. Ibraahim Siyaad Yoonis oo qoraal kooban ku faafiyey bogga facebook ee uu ku leeyahay internet-ka maanta.
Waxaanu Maanta kulan Balaadhan la yeelanay Jaaliyada Reer Somaliland ee ku dhaqan Magaalada Bristol iyaga oo ugu horeyn nagu maamusey Qado , ka dibna Galabka waxaanu iskugu nimid kulan is xog wareysi ah oo ay ka soo qayb galeen Bulsho weynta ku nool Magaalada Bristol.
Waxaananu warbixin ka siinay halka uu Maraayo Mashruuca Biyo Balaadhinta ee Caasimada Hargeysa iyaga oo na waydiiyay su’aalo badan oo ku saabsan mashruuca waananu uga jawaabneyn dhamaan su’aalihii ay na waydiiyeen Bulsho weyntu , waxaana kulankaa igu wahelinayey Safiirka Wareega ee Somaliland Mr Kayser , Kamaal iyo Xasan.
HargeisaPress News Desk — Hargeysa
hargeisapress@gmail.com