Dawladda Somalia iyo Midowga Yurub oo Ka Wada-hadlay Dayn Cafinta

0
423

Muqdisho (Hargeysa Press)- Kulan u dhexeeya midawga Yurub iyo dowladda federaalka Soomaaliya oo looga hadlay ajandayaal muhiim ah ayaa maanta lagu qabtay magaalada Muqdisho.

Shirka ayaa lagaga hadlay kobcinta dhaqaalaha, xaqiijinta guulaha laga gaadhay deyn cafinta iyo maal gelinta dib-u-habeynta amniga, si guul looga gaadho qorshaha dib-u-habeynta amniga, ciidamada qarankuna ay awood ugu yeeshaan la wareegidda amniga dalka.

Ra’iisal Wasaaraha xukuumadda federaalka Soomaaliya Xasan Cali Khayre iyo wasiirrada Maaliyadda, Dastuurka iyo haweenka ayaa ka qayb galay shirka, dhanka midawga Yurub, wafuudda ka qayb galeysay oo safiirro ay qayb ka ahaayeen ayaa waxaa hoggaaminayay safiirka midawga Yurub ee Soomaaliya, Nicolas Berlanga.

Kulanka oo qayb ka ahaa shirarka joogtada ah ee looga hadlo horumarinta wadashaqeynta ka dhexeysa dowladda federaalka Soomaaliya iyo Midawga Yurub ayaa sidoo kale waxaa looga hadlay dimuquraadiyadda, federaaleynta, doorashooyinka, xuquuqda Aadanaha iyo dowrka haweenka ee ka qayb galka siyaasadda.

 

Hargeisa Press Desk/Muqdisho Office.

LEAVE A REPLY