Daarasalaam (Hargeisa Pres.com): Hal qof ayaa ku geeriyooday mid kale-na wuu ku dhaawacmay shil baabuur oo maanta ka dhacay duleedka Woqooyi ee magaaladda Hargaysa, iyadoo shilkaasi ay ka hawl galeen ciidamadda Dab-demiska Somaliland.
Baabuurka shilku haleelay oo noociisu ahaa Bas u socday degmadda Daarasalaam ee gobolka Maroodijeex, kaasoo siday dad rakaab ah iyo bagaash hantiyeed-ba.
Gaadhigan ayaa shilku haleelay xili uu marayay duleedka Woqooyi ee magaaladda Hargaysa, waxaana halkaa ku geeriyooday hal qof oo dumar ahayd, halka uu qof kale-na ku dhaawacmay.
Kadib markii shilkaasi lagu soo wargeliyay ciidamadda Dab-demiska Somaliland ayaa si weyn uga hawl galay.
Waxaanay u direen gaadhi goobtii shilku ka dhacay gaadhi Wiish ah oo ka toosiyay hal qof oo Baska dhacay ku jiifsaday.
Halkan Ka Daawo Saraakiisha Ciidamadda Dab-demiska Oo Arrintaasi Ka Hadlay:
Hargeisa Press.com/Hargaysa Office.