HARGEISA , (HargeisaPress) — Madaxweyne ku-xigeenka Jamhuuriyada Somaliland Md. Cabdiraxmaan Cabdilaahi Ismaaciil (Saylici) ayaa maanta xafiiskiisa ku qaabilay madaxa ugu sareeya Mashruuca JPLG-ga oo Caawiya Dawladaha Hoose.
kulan oo ka qabsoomay Qasriga Madaxtooyada ayaa waxaa ku kulmay Madaxweyne Ku Xigeenka Jamhuuriyadda Somaliand ahna hogaamiyaha mashruuca JPLG Cabdiraxmaan Cabdilaahi Ismaaciil (Saylici) oo ay wehelanayaan Wasiir ku xigeenka Wasaaradda Arimaha gudaha ee Gobolada iyo Degmooyinka Jaamac Cabdilaahi Biin Agaasimaha guud ee Wasaaradda Arimaha Gudaha Cabdifataax Siciid Axmed , waxaana kulankaasi lagu lafa guraayey sidii loo xoojin lahaa mashuurca JPLG iyo maamul daa dadejinta.
Madaxweyne ku xigeenka oo halkaasi ka hadlay ayaa si balaadhan usoo dhaweeyey Madaxda ugu saraysa mashuurca iyo hawladeena isagoo uga mahad celiyey socdaalka ay ku yimaadeen somaliland islmarakana uu xusay kaalinta uu ka qaatay mashruucani horumarka degmooyinka dalka qaar, Waxaa iyaguna halkaasi madaxweyne ku xigeenka uga mahad celiyey xubnaasi ka socday JPLG kuwaas oo Madaxwyne ku xigeenka uga mahad celiyey sida wanaagsan ee uu ugu qaabiley qasriga Madaxtooyada.
Mashruuca JPLG ga oo Caawiya Dawladaha Hoose iyo Maamul daadejinta ayaa waxa uu Soomaliland ka bilaabmay 2008, mashruucan oo ay ku bahoobeen shan haayadood UNDP, UNICEF, UNCDF, ILO, UN-HABITAT ayaa waxay ka wada shaqeeyaan kor uqaadida awoodaha iyo xifadaha dawladaha hoose iyo inay bixiyaan adeegyo hufan iyadoo dhinac ay ka tahay in la hirgaliyo siyaasada maamul daadejinta ee uu golaha wasiiradu ansixiyeen dhamankii sanadkii hore.
Mashruucan oo ka hirgalay 8 degmo (Hargaysa, Berbera, Borama, Burco, Shiekh, Gabilay, Oodwayne iyo Zayla) ayaan lasoo koobi Karin natiijooyinka ay ka gaadheen iyo sida ay awoodoodu u dhisantay, sidoo kale dawladaha hoose waxay ka helaan maal galin xaga dhismayaasha sida wadooyinka iyo wixi lamida.
Hadaba Wefdigan oo uu hor kacayo Maamulaha sare ee mashruuca JPLG Poul Simkim oo ay ku weheliyaan BOBIRJAN TURDIYEV (JPLG PMU) FRIDAH.KARIMI (JPLG PMU), ABDUBA MOLLU, (JPLG PMU), DMITRY POZHIDAEV (UNCDF) iyo MAHDI OMER SHEIKH (JPLG PMU) ayaa saaka kulan la yeeshay Madaxwayne ku xigeenka Jamhuuriyada soomaalind ahna Hogaamiyaha Mashruuca JPLG iyo Maamul daadejinta ee soomaaliland oo ay ku weheliyaan xubno ka socda Wasaaraada Arimaha Gudaha oo kala ah Wasiir ku xigeenka Gobolada iyo degmooyinka Mudane JAMA ABDALA WARSAME, Agaasimaha Guud, ABDIFATAH SICID AXMED Agaasimaha Gobolada iyo degmooyinka iyo la taliyeyaasha Mashruucan.
Ujeedada kulankan aya waxa ugu muhiimsanaa in la qorsheeyo sanad hawleedka 2016 iyo sidii loo horumarin laha mashruucan iyo sidii loo gaadhsiin laha guud ahaan dalka Somaliland.
Ugu danbayntii Madaxweyne ku xigenka jamhuuryada Somaliland Cabdiraxman Cabdilahi (Saylici) ayaa waxa uu sheegay in uu marka ugu horaysa uu u mahad naqaayo qaadhaan bixiyeyaasha Mashruuca JPLG-ga taageera oo uu ku tilmaamay in ay ku bixiiyaan lacag aad u badan. Ugana Mahad celiyay taageerada ay siiyaan Somaliland.
HargeisaPress News Desk — Hargeysa