Burco (Hargeisa Press) – Wararka naga soo gaadhaya magaalada Burco ee xarunta gobolka Togdheer, ayaa waxaa ay sheegayaan in xalay halkaasi ay ka dhaceen dibadbaxyo rabshado wata.
Dibadbaxyada rabshadaha watay, ayaa waxaa ay wararku sheegayaan in uu ka dhashay khasaare, kadib markii ay isku dhaceen ciidamada booliska iyo dhalinyaro taageersanaa go’aamadii xisbiyada mucaaradka.
Dibadbaxa, ayaa waxaa inta la xaqiijiyay ku dhaawacmay 3 qof oo ka mid ahaa dhalinyaradii dibadbaxa dhigayay iyo 4 askari oo ka tirsan ciidamada Booliska.
Ciidamada amaanka ee magaalada Burco, ayaa ka hortagay dibadbaxa oo ay xalay xili danbe magaalada Burco ka bilaabeen dhalinyaro taageersan go’aamada ka soo yeedhay mucaaradka, taasi oo sababtay in isku dhac dhexmaro booliiska iyo bannaanbaxayaasha.
Gudoomiyaha Gobolka Togdheer Maxamed Cabdullaahi Nafaqo oo ka hadlay mudaharaadkii xalay ka dhacay magaalada Burco, ayaa waxaa uu sheegay in gobolka Togdheer uu nabadgelyo yahay.