Go,aankii fajacisada lyo layaabka ahaa ee ka bixitaanka ingiriiska ee midowga yurub ayaa dhanka kalana waxa uu mahadho badhaadhe farxadeed oo lama fillaana uu ku noqday ruushka .
Maxsuulkii kasoo baxay aftidii loo qaaday in ingiriisku uu kasii mid ahaado midowga yurub iyo inkale ayaa siddo kale muujinaysa aragti ama sohdi kamida wadooyinka uu ruushku ugu hammuun Qabo Qaab siyaasadeed difaacaya cunaqabatayntii dowladda Ruushka hore u saarnaa fursad iyo taageerayaal badan uu u helli karo.
Madaxda ruushku waxay u arkaa arrinta ka bixitaanka ingiriiska ee midowga yurub mid ay ku helli doonaan dabacsanaan dheeraad ah iyo in xidhiidhka laba geesoodka ah ee ay Dawladaha ruushka iyo ingiriisku ay dib uga wada xaajoonayaa arrimo badan oo labada dhinac muhiim u ah sidda ariimaha xaalada ukrakn iyo siyaasada tamarta , dhaqaalaha iyo Ganacsiga.
Xidhiidhka Ruushka iyo ingiriiska ayaa marar badan dhaawac soo gaadhay tan iyo bilowgii qarnigii 21aad , waxay labada dal ay siin kartaa xorriyad siyasadda oo badan iyada oo labadaba dal ingiriiska iyo ruushkuba ay ka caawin doonto xidhiidh dhow oo ay yeeshaan labada dal, iyada oo aan la yaraysan karrin awooddaha Berlin iyo Paris , kaas oo u muuqda in guntiga ay kusii giijiyaan cunaqabataytii hore loo saaray ruushka.
fursadaha siyaasadda arrimaha dibadda haddi biritin ay yurub ka hulleeshay Ruushku waxa uu fursad u helli doonaa awooda Qaybsantay ee yurub si gaarana indhaha ayuu ugu hayay aftidaasi , sababta oo ah ingiriisku waa mid ka mid ah coddadka ugu adag ee Yurub , waxana laga yabaa in ay ingiriiska iyo ruushku ay si lama filaan ah u noqondaan saaxibo cusub
“fursadaha suurto galka noqon kara muddo gaaban , laakiin qofna mudada dheer ma ogaan karro waxa ay Noqon doonaan”
codka Biriitin waxa uu ahaa muhiim gudaha midowga yurub waayo cadaadis wadamada yar yar ayaa saarnaa, wadamada yar yari waxay ka xumaan doonaan go,aanka ingiriiska waana sababta uu ugu baahnaanayo saaxiibo cusub oo iskaashi dhaqaale iyo mid siyaasadeedba ay wada yeeshaan fursadaasina waxa uu ka helli doona Ruushka,
Ruushka iyo Ingiriisku waxay doonayaan inay ka ciyaaraan door muuqda iiyo kaalin dheeraad ah oo madax-bannaan masraxa adduunka ee dhaqaalah iyo Ganacsiga iyo siyaasada ,iyaga oo eegaya Korodhka wax soo saarka guddah (GDP) iyo Iibsayiga /Gadashada sinnaanta awooda (PPP) guud ahaan dunida ku oo ku salaysan PPP iyo GDPiyadoo Ingiriiska lagu Qiyaasay ( 3.30 % iyo 2.41 % ) .Halka Ruuska uu gaadhay, ( 3,36 % iyo 3,82 % )
Iyadoo saadashu sheegayso in ay adagtahay waxa ay noqon doontomustaqbalka hadana waxay u baahantahay ka fiirsi dheeraada ah , xawaaraha Caalamiyeynta iyo heerka tartanka si ay dunida casriga ah doorkooda dhaqaale uga Qaataan labadan dal ingiriiska iyo ruushku
Haddii ay dhacdo codad ka dhan ah UK xubnaha Golaha Midowga Yurub , waxay yeelan doontaa saamaynteeda dhinaca suuqa Yurub, maxaa yeelay, inkastoo uu isfaham siyaasadeed ka dhacay Brussels, ganacsiga biritin ayaa ka mid ahaa doona kuwo waafaqsan nidaamka ganacsiga xorta ee Yurub.
Waxaa sabab u ah saamaynta ingiriisku uu dib u habaynta ku yeesshay iyo waxa la fulliyay oo dhan afartii sano ee la soo dhaafay taas oo ka dhigaysa suuqa Yurub ka fiican marka loo eego xeerka, miisaaniyada, cimilada maalgashiga iwm .
dhismaha xiriirka dhow ee ka dhexeeya bulshooyinka iyo ganacsiga Ruush iyo Britain waa mid ka mid ah sababha isusoo dhawayn kara .
Afmeerka faalladaydani waxaan kusoo gabo gabaynayaa
Qodoban hoos ku xusan kuwaasi oo aragtidayda ay illa tahay in ay u horseedi doonto ruushka albaab cusub oo siyaasadeed waxayna tahay aragtidaasi siddan:-
Markasta oo awood darro ku timaafo yurub NATO ayaa daciifaysa, burburka midowga yurub wixuu cadayn u yahay awooda Qaybsan ee ku iman karta ururada waqooyiga atlanticada waxaana Quwad milatari iyo mid siyaasadeedba yeelanaya Ruushka .
Haddii Go,doon ku yimaado ingiriiska waxay horseedi kartaa in ay timaado iskaashi ku salaysan Dhaqalaha iyo Ganacsiga waxaana xoogaysanaya Dhaqaalaha ruushka iyo china .
Siddo kale waxa hoos u dhac dhaqaale ku iman karaa midowga yurub laftiisa maadaama uu ingiriisku ahaa wadamada laf dhabarta u ahaa dhaqaalha midowga yurub.
Ka bixitaanka ingiriiska ee midowga yurub waxay soo noolay kartaa Aragtida cusub oo ifinaysa in yurub ay guul daraysatay .
W/Q:- MAXAMUUD CARAB CABDI (SABUUBB)