Burco (HP): Wefti culus oo ay hoggaaminayaan guddoomiyaha xisbiga WADDANI Xirsi Cali Xaaji Xasan, iyo Musharraxa madaxweyne Cabdiraxmaan Maxamed Cabdillaahi (Cirro), ayaa maanta si balaadhan loogu soo dhaweeyay magaalada Burco ee xarunta gobolka Togdheer.
Kumanaan ka mid ah taageerayaasha Xisbiga iyo madaxda heer gobol iyo heer degmo ayaa magaalada Burco si weyn ugu soo dhaweeyay Weftiga madaxda Xisbiga WADDANI.
Cabdiraxmaan Cirro iyo Xirsi Cali Xaaji Xasan, ayaa meel fagaare ah kala hadlay kumanaan taageerayaashoodda ah.
Waxaanay uga mahadceliyay soo dhawaynta heerka sare, islamarkaana u jeediyay hadallo ku aaddan xaaladda dalka iyo tallaabooyinka gurracan ee xukumadda madaxweyne Muuse ku kacaysay muddooyinkii u dambeeyay.
Murashaxa kursga madaxwayne Cabdiraxmaan Cirro, oo ayaa ku eedeeyay madaxweyne Muuse Biixi, inuu qaaday jid khatar ku ah Jiritaanka Somaliland nabadgeliyadeeddii, wada-jirkeeddii iyo dawladninaddeediiba.
C/raxmaan, waxa kaloo uu ku hanjabay in aanay marnaba ogolayn ama yeelaynaynin shacabka iyo xisbiyadda Somaliland tallaabadaasi uu qaaday madaxweyne Biixi, isla markaana ay dhammaantoodba dalka ka bad-baadin doonaan.
DAAWO: Khudbadii C/raxmaan Cirro:
Geesta kale waxaa isna fagaarahaasi kumanaankii taageereyaasha ahaa kala hadlay guddoomyaha xisbiga Waddani Xirsi Cali Xaaji Xasan.
DAAWO: Hadalkii Gudduumiye Xirsi:
Hargeisa Press.com/Hargeisa Office.