Hargaysa (HP): Guddoomiyaha golaha Wakiiladda Somaliland kana tirsan xisbiga mucaaradka ah ee Waddani ayaa khudbad dhinacyo badan taabanaysa ka jeediyay xidhitaanka shirweynihii maanta ee xisbiga Waddani.
C/rasaaq Khaliif Axmed, ayaa si weyn ugu mahad celiyay murashaxa madaxweynaha ee xisbiga Waddani C/raxaam Maxamed C/laahi (Cirro), go’aanka uu ku qaatay inuu guddoomiyaha xisbigaasi ku wareejiyo Xirsi Cali Xaaji Xasan.
Waxaanu sheegay in tallaabadaasi ay muujinayso in C/raxaam Cirro, uu sameeyay arrin aan hore looga baran siyaasiyiinta Somaliland iyo guud ahaanba Soomaalida.
Isagoona Cirro, ku amaanay inuu noqonayo hogaamiyihii u horeeyay ee isagoo aan weli kursiga madaxweynaha ku guulaysan guddoomiyaha xisbiga wareejiya, isla markaana ay arrintaasi taariikhda u gelayso.
Geesta kale C/rasaaq Khaliif Axmed, waxa uu bogaadiyay C/qaadir Xaaji Ismaaciil Jirde, oo isna hore u shaaciyay inuu kursiga guddoomiyaha xisbiga Waddani kula tartami doonin Xirsi Cali Xaaji Xasan.
DAAWO: Khudbadii Guddoomiye C/rasaaq Khaliif:
Hargeisa Press.com/Hargeisa Office.