Hargeysa, (HargeisaPress) —Xidhiidhka kubadda cagta Somaliland ayaa loo doortay hogaan cusub oo maamuli doona 4 sanno ee soo socda, waxaana Guddoomiyaha loo doortay Maxamed-Amiin Cabdi Cilmi Dixood, halka ku-xigeenkiisana loo doortay Cabdicasiis Maxamed Cilmi.
Guddoomiyaha xidhiidhka kubadda cagta ayaa ahaa booska keliya ee lagu tartamayey, waxaana cod hal dheeri ah ku guuleystay Mr. Maxamed-Amiin Cabdi Cilmi Dixood oo helay 18 cod halka Mr. Cabdi Ismaaciil uu helay 17 cod, waxaana xubnaha codeynayay ay ahaayeen 35 xubnood.
Guddoomiye ku-xigeenka xidhiidhka kubadda cagta ayaan cidina kula tartamin Cabdicasiis Maxamed Cilmi. Ugu dambeyntii, xubnihii murrashixiinta ahaa ayaa halkaas ka hadlay iyaga oo si wanaagsan u soo dhaweeyay qaabka ay u dhacday doorashadu, waxaana ay iskugu hambalyeeyeen guusha la wada gaadhay.
HargeisaPress News Desk — Hargeysa
Follow us on Instagram: @Hargeisapress
Follow us on Twitter: @HargeisaP