Oog (Hargeisa Press)- Guddoomiyaha xisbiga mucaaradka ah ee UCID Eng. Faysal Cali Waraabe, ayaa maanta waxaa uu booqday Taliska guud ee Ciidamada Qaranka Somaliland ee magaalada Oog.
Guddoomiyaha, ayaa waxa ku soo dhaweeyay taliska ciidanka ee degmada Oog saraakiisha ciidanka qaranka oo si niyadsami leh ugu soo dhaweeyay xarunta ciidanka.
Taliyaha hawgelinta ahna afhayeenka ciidanka qaranka sareeye guuto Cabdi Cabdilaahi (Cabdi Dheere), ayaa sheegay in ciidanka qaranku ay jecel yihiin Guddoomiye Faysal Cali Waraabe oo uu ku tilmaamay masuul waddaniya oo dalkiisa la jecel wada jir iyo horumar.
Taliye Cabdi Dheere, wuxuu sheegay in taliyaha ciidanka Sareeye gaas Nuux Ismaaciil Taani uu amar ku siiyay saraakiisha inay mar walba soo dhaweeyaan Guddoomiyaha UCID.
Guddoomiyaha xisbiga UCID Eng. Faysal Cali Waraabe, ayaa boggaadiyay ciidanka qaranka oo uu tilmaamay inay si wacan u soo dhaweeyaan markasta oo uu booqdo fadhiisimadooda.
Wuxuu sheegay in ciidanka qaranku uu yahay mid karti leh oo ku filan difaaca dalka, isla-markaana karti u leh inay nabad ilaalinta caalamka ka shaqeeyaan.
Guddoomiyaha UCID wuxuu intaas ku daray inuu ciidanka qaranka ee taliska Oog uu gaadhsiiyay sallaan uu uga siday shacabka reer Somaliland.
Hoos ka daawo muuqaalka