Boorama (Hargeisa Press) – Waxaa caawa magaalada Boorama ee xarunta gobolka Awdal ku geeriyooday alle ha u naxariistee fannaankii caanka ahaa ee Cabdiraxmaan Cismaan Maxabe (Cabdiraxmaan Dheere).
Alle ha u naxariistee Fannaan Cabdiraxmaan Dheere, ayaa ahaa fannaantii ugu magaca dheer Soomaalida.
Fannaan Cabdiraxmaan Dheere, ayaa alle ha u naxariistee waxaa uu Fanka Soomaalida magac ku yeeshay horaantii 1970-yadii illlaa dabayaaqadii 1980-yadii.
Fannaanka, ayaa waxa uu ka tirsanaa kooxdii ciidanka xooga Soomaaliya ee General Daa’uud.
Alle ha u naxariistee Fannaanka, ayaa waxaa xaas u ahayd Fannaanadii caanka ahayd ee Aamina Cabdilaahi Xirsi, waxaanu uu dhalay Fannaanada Hodan Abdirahman.
Waxaanay ahaayeen qoys faneed isaga, xaaskiisa Aamina Cabdillaahi iyo gabadha uu dhalay ee Hodon Cabdiraxmaan.
Fannaan Cabdiraxmaan Dheere oo ahaa fannaan cod macaan heesaha uu qaaday waxa ka mida
Nin ka tagay dhulkiisa
Adna ku waari maysid
Caloolaay naftaydaay
Suuldhabaale oo uu la qaaday Sahra Axmed Jaamac
Heesta Hargeysa
Boqorkii haweenkaay oo uu la qaaday Caasha Cige
Geelaygii curad cirkaa lagu maalay
Gocomada wada jira oo uu la qaaday Caasha Cige
iyo heeso kale.