WASHINGTON, (HargeisaPress) —Musharaxa Xisbiga Jamhuuriga Donald Trump ayaa ku guuleystay gobolo badan oo uu aad ugaga sareeyay Hillary Clinton, waxaana taas niyad jab ku keentay taageerayaasheeda.
Codadka looga baahanyahay cida ku guuleysata doorashada Madaxweynaha ayaa ah 270, balse waxaa muuqata in Donald Trump uu dhaafayba tiradaas
Todobaadyo ka hor waxay dadku saadaalinayeen in Donald Trump laga guuleysan doono, balse ma dhicin sida dad badan filayeen.
Hillary Clinton ayaan taageerayaasheeda la hadli doonin, sida uu sheegay Madaxa Ololaheeda, waxaana lagu amray taageerayaasheeda inay isaga dareeraan xarunta xisbiga Dimuqraadiga.
Donald Trump ayaa goor dhow ka tagay xaruntiisa, waxaana uu aaday Hotelka Hilton, halkaasoo uu kula hadli doono taageerayaashiisa.
Maalqabeenkan ku cusub siyaasada ayaa hadaladiisa waxay hore u dhaliyeen cadho aad u weyn intii uu ku guda jiray ololihiisa doorashada
.
Siyaasada Mareykanka waxaa u baryay cusub , iyadoo talada dalka ay dib ugu soo laabteen Xisbiga Jamhuuriga, Xisbiga Dimoqraadiga ayaa lagala wareegi doonaa xukunka wadanka marka la gaadho bisha January ee sanadka 2017.
HargeisaPress News Desk — Hargeysa
Follow us on Instagram: @Hargeisapress
Follow us on Twitter: @HargeisaP