Ciyaartoygii ugu horeeyay Gabdhaha Kubadda Kolayga ee Somaliland ku ciyaara

0
864

Hargeysa (Hargeisa Press)- Kabtan Hafsa Omer oo 21-jir ah oo ku duuduuban Calanka dalkeeda Somaliland ee saddexda midabka ah, ayaa ka mid ah ciyaartoygii ugu horeeyay ee Gabdhaha Kubadda Kolayga ee Somaliland ku ciyaara.

Hafsa Omer, ayaa Riyadeedu waxaa ay tahay in ay maalin uun qarankeeda Somaliland u ciyaarto.

Somaliland waxa ay u halgantay sidii ay aqoonsi caalami ah uga heli lahayd dawlad kasta oo shisheeye, in kasta oo ay iskeed isu maamusho oo ay ku naaloonayso nabad iyo xasillooni tan iyo markii lagu dhawaaqay madaxbannaanideeda 1991-kii.

Hafsa iyo laba hablood oo ay walaalo yihiin oo iyaguna u ciyaara kubadda Kolayga Hablaha Hargeysa, oo ah kooxdii ugu horreysay ee hablaha ah ee Somaliland, ayaa go’aansaday inay Somaliland ku dhejiyaan khariidadda, iyagoo in ka badan 10,000 oo taageere ah ka abaabulaya baraha bulshada.

“Somaliland waxay raadinaysaa aqoonsigeeda, waxaanan aaminsanahay inaynu qayb ka noqon karno keenista aqoonsiga…innagoo xidhan calanka, oo ka hadlayna dalkeenna, annaga oo ku xayeysiinnayna muuqaal gaaban oo TikToks ah ama sawirro Instagram ah,” ayay tidhi.

Hafsa Omer waxay u heellan tahay gooni-isu-taagga Somaliland u aragta mid kordhinaysa halgankii hubaysnaa ee aabbaheed iyo abtiyaadeed ee 1980-aadkii ay kaga soo horjeedeen keligii taliyihii Siyaad Barre.

“Aabahay wuxuu ka hadlaa maalin kasta, waxa isaga iyo asxaabtiisa soo maray, isagoo eegaya ilmaadeeradii oo ku hor dhimanaya isaga,” ayay tidhi.

Omer waxa uu guulo la taaban karo ka gaadhay u doodida xuquuqda haweenka.

Tan iyo markii ay dhidibada u taagtay Kubadda Kolayga Hablaha Hargeysa 2018, waxa soo baxay kooxo kale oo dumar ah. Hadda waxa ay ka ciyaaraan horyaalka gabdhaha oo dhan, iyaga oo caqabad ku ah hab-dhaqanka bulshada iyo caqiidada diinta islaamka.

Walaasheeda Fatima Omer, kubbadda koleyga waxay u adeegtaa labada gool. “Waxaan rabnaa uun in dunidu na aragto,” ayay tidhi.

LEAVE A REPLY

Please enter your comment!
Please enter your name here