Addis Ababa (Hargeisa Press)- Raysal wasaaraha dalka Itoobiya Abiy Axmed, ayaa waxaa uu sheegay in Itoobiya ayna marnaba gorgortan ka geli doonin madax banaanideeda iyo sharafteeda.
Hadalkan ayuu Raysal wasaaruhu ka sheegay munaasabad maanta lagu xusayay maalinta qaranimada Itoobiya, taasoo halku dhiggiisu ahaa: “Qaranka oo is-waafajinaya Sugidda Qarannimada dhinac walba”.
Raysal wasaaruhu wuxuu ku nuux-nuux saday in magaca “Itoobiya” uu si aan kala sooc lahayn ugu xidhan xorriyadda, sharafta iyo wanaagga.
“Itoobiya waligeed ma ayna bilaabin duulaan ay ku qaado wadan kale ilaa taariikhdeeda qadiimiga ah”, ayuu yidhi Raysal wasaaraha Itoobiya.
Si kastaba ha ahaatee, wuxuu intaas ku daray in Itoobiya intii ay jirtay ay si geesinimo leh isaga difaacday shisheeyaha ku soo duulay, iyadoo dib u celinaysa kuwii ku dhiiraday inay madax-bannaanideeda u hanjabaan oo bahdil ah.
“Nala taaban maayo! Si kastaba ha ahaatee, cid kasta oo ku dhiirrata inay noo hanjabto waanu dullaysan doonnaa. Cidna gorgortan kala geli mayno madax-banaanida iyo karaamada Itoobiya”. ayuu yidhi.
Waxa uu ku nuuxnuuxsaday “Marka ummadda kale nabad raadinayso; marka ay u baahan yihiin caawimadayada xirfadeed; Ma aha oo kaliya Afrika laakiin sidoo kale qaybaha kale ee adduunka, waa dhaqankeena in aan wax u hurno nabadda iyo wada noolaanshaha aadanaha.” ayuu raaciyay.
Raysal wasaare Abiy, ayaa sidoo kale carabka ku adkeeyay in Wasaaradda Gaashaandhigga iyo shaqaalaheeda ayna kaliya si fiican u baran dhaqankan balse ay si qoto dheer uga go’an tahay inay tahay qeyb ka mid ah noloshooda.
Raysal wasaaruhu wuxuu xusay in Itoobiya ayna weligeed wax colaad ah la gelin dalalka deriska la ah lixdii sano ee la soo dhaafay, isagoo ku micneeyay in nabadda iyo ammaanka dalalkan deriska ah ay si weyn uga qeyb qaadanayaan nabadda, amniga iyo horumarka ay Itoobiya leedahay.
Wuxuu ku nuux-nuux saday in dadka dhow iyo ka fogba ay yihiin Itoobiyaan. “Uma baahnin wax ay dad kale leeyihiin. Laakiin, haddii qof doonayo inuu wax yeelo ama saameyn nagu yeesho waxay la kulmi doontaa ceeb iyo soo celin si waafaqsan dhaqankeenna.”
Raysal wasaaruhu wuxuu yidhi, “Annaga Itoobiyaanka ah ma hayno wax rabitaan ah oo aan ku doonayno inaan dadka kale alaabtooda qaadanno oo aan dalna la dagaalno,” isagoo ku cel-celiyay sida ay Itoobiya uga go’an tahay xaqiijinta madax-bannaanida dhinac walba ah.
Waxa uu carabka ku dhuftay in ciidamada difaaca Itoobiya ay yihiin ciidan aan u adeegin Itoobiya oo kaliya balse sidoo kale u adeega guud ahaan gobolka, isagoo carrabka ku dhuftay in ciidamadan ayna kaliya ilaalin nabadda balse ay ka qeyb qaataan dardar gelinta horumarka.
Raysal wasaaruhu wuxuu ugu baaqay dhammaan shacabka reer Itoobiya, iyadoon loo eegayn xirfaddooda, inay si hufan u shaqeeyaan, kana qaybqaataan horumarka dalka Itoobiya.