Boorama (HP): Laba carruur ah oo walaalo ah ayaa ku geeriyooday laba kale na waxaa soo gaadhay dhaawac guri ku yaalla magaaladda Boorama uu Dab qabsaday.
Afartan caruurta ah oo dhamaantoodba walaallo ayaa la sheegay in gurigooda oo ka samaysnaa Jiingad uu galabta Dab qabsaday.
Gurigan Dabku qabsaday ayaa ku yaala xaafada Sheekh Cismaan, ee Galbeedka magaaladda Boorama ee xarunta gobolka Awdal.
Sida ay sheegayaan warar aanu ka helnay magaaladda Boorama oo la xidhiidha gurigaasi ay caruurtu ku geeriyoodeen.
Geesta kale ciidanka Dab-demiska magaaladda Borama ayaa la sheegay in ay ka hawl-galeen wax ka qabashadda gurigan Dabku ku galaaftay labadda caruurta ah.
Weli ma jiro war rasmi ah oo dhacdadaasi la xidhiidha oo ka soo baxay dhinaca maamulka magaaladda Boorama, ka gobolka Awdal, iyo haayadaha amaanka ee gobolkaasi.
Waxa kaloo warku intaa ku daray in carruurta dhimatay iyo kuwa dhaawacmay ba in loo qaaday cusbitaalka guud ee magaaladda Boorama.
Hargeisa Press.com/Hargeisa Office.