Laascaanood (HP): Badhasaabka gobolka Sool C/kariin Aadan Xaaji Diiriye, ayaa maanta xafiiskiisa ku qaabilay wefti ka socday Qaramadda Midoobay.
Waxaana weftigaasi xaaladda guud ee gobolka uga warbixiyay badhasaabka Sool, isagoona uga waramay arrimaha amaanka, abaaraha iyo waxyaabo kale.
Kulankaasi waxaa badhasaabka ku wehelinyay maayarka magaalada Laascaanood, Saraakiisha laamaha amniga gobolka Sool, qaar ka mida haayadaha dawlada ee gobolka Sool, bahda Garsoorka iyo gudoomiye ku-xigeenka gobolka Sool.
Badhasaabka gobolka Sool C/kariin Aadan Xaaji Diiriye, ayaa u sheegay masuuliyiinta ka socday qaramadda midoobay xaaladda amaanka ee gobolku ay aad u fiican tahay, isla markaana wax dhibaato ahi aanay wakhtigan ka jirin.
DAAWO: Kulankii badhasaabka Sool iyo Weftigii Ka Socday UN
Hargeisa Press.com/Hargeisa Office.