Nairobi (Hargeisa Press)- Agaasimaha guud ee Wasaaradda horumarinta Beeraha Somaliland Cabdikariim Aadan Cadde oo socdaal shaqo ku jooga dalka Kenya, ayaa waxaa uu booqday Safaaradda Dowladda Somaliland ku leedahay caasimadda dalkaasi ee Nairobi.
Agaasimaha guud ee Wasaaradda Beeraha, ayaa waxa xarunta Safaaraddda ku soo dhaweeyay Safiir ku-xigeenka Somaliland ee dalka Kenya Sharmaarka Geelle.
Waxaa uu Agaasimaha guud, Safiirka, Safiir ku-xigeenka iyo hawl-wadeenada Safaaradda ku bogaadiyey hawsha baaxadda leh ee ay u hayaan dadka iyo dalka Somaliland, isagoo u soo jeediyey inay dedaalka halkaa ka sii wadaan.
Ugu dambayn, Safiir ku-xigeenka Ambassador Geelle, ayaa Agaasimaha guud ee Wasaaradda Beeraha uga mahad-celiyey booqashadiisa.
Si kastaba, Agaasimaha guud ee Wasaaradda horumarinta Beeraha Somaliland Cabdikariim Aadan Cadde iyo wefti uu hoggaaminayo, ayaa maalmihii u dambeeyay safar ku joogay dalka Kenya, iyagoo kulamo kala duwan la qaatay Hay’addaha deeq bixiyeyaasha iyo Madaxda Baanka Adduunka.