Hargeysa , (HargeisaPress) —Tartanka kooxaha heerka koowaad, labaad iyo sadexaad ee (FA Cup-ka) ayaa dhawaan lagu wadaa in Xidhiidhka Kubadda Cagta Somaliland ka furaan Garoonka weyn ee Hargeisa Stadium. Tartankan waxaa maal-gelisay shirkadda Iskaadhsiinta Casriga ah ee Telesom.
Tartankan oo ay ka qayb gali doonaan 28 Kooxood ayaa diyaargarawgiisu gabogabo ku dhawyahay iyadoo lasoo saaray qaabka kooxaha heerka koowaad, labaad iyo saddexaad ee caasimadda Hargeysa ay iskugu beegmayaan isku aadka tartanka koobka Xidhiidhka Kubadda Cagta Somaliland (FA Cup).
Tartankan ayaa garoonka Hargeysa Stadium ka qabsoomi doona 17-ka bishan July 2018 waxaana sida qorshuhu yahay ciyaar kasta si toos ah looga daawan doonaa Horn Cable Tv (HCTV).
Tartankan ayaa waxaa isku aadka Gruopska ay kooxuhu iskugu beegmeen sidan hoos ku qoran.
| Group A: |
| Goodir |
| FC Seico |
| Kirix Restaurant |
| Diana Club |
| Group B: |
| Xiddigaha Cirka |
| True Cable TV |
| FC Sooyaal |
| Buubaa Hotel |
| Group C: |
| W. Maaliyadda |
| W. Hawlaha Guud |
| FC Afgal |
| W. Qorsheynta |
| Group D: |
| D.H.H |
| W. Cadaaladda |
| FC Waaberi |
| Asluubta |
| Group E: |
| Gaashaan |
| FC Sh. Madar |
| Al Bacas FC |
| East & West |
| Group G: |
| W. Xananada Xoolaha |
| Ciidanka Dab-demiska |
| Maamuus Hotel |
| W. Beeraha |
| Group F: |
| W. Ganacsiga |
| Hass Petroleum |
| FC Dannab |
| W. Caafimaadka |
Tartankan oo markii ugu horeysay lagu qabanaayo dalka ayaa ah mid xiisihiisa leh , isagoo isla markaasina noqondoonaa talaabo horumar oo taariikhda u galidoonta masuuliyiinta Xidhiidhka Ciyaaraha Somaliland iyo guud ahaanba Wasaarada Dhalinyarada iyo Ciyaaraha Somaliland.
Dhinaca kale tartankan ayaa noqon-doona mid kor u qaada isla markaana dhiirigeliya bahda ciyaaraha ee Somaliland gaar ahaana barbaarta caasimadda Hargeysa ee nasiibka u yeeshay in magaaladoodii laga bilaabo laguna daahfuro.