Xarunta Xuquuqal Insaanku waxay canbaaraynaysaa xadhiga weriyaha waxayna ku baaqaysaa in xorriyadiisa loo soo celiyo. Xoriyadda saxaafadda waxa damaanad qaaday dastuurka Somaliland iyo Baaqa Caalamiga ah ee Xuquuqal Insaanka. Waa masuuliyad saaran saraakiisha dawladda inay ixtiraamaan dastuurkooda.
Axmed waa weriyihii afraad ee lagu xidho Berbera sanadkan gudihiisa. Masuuliyiinta Gobolku waxay u isticmaalaan suxufiyiinta awood dheeraad ah oo tacaddi ah. Dekedda Berberi waxay u tahay dawladda Somaliland isha dakhli ee u wayn. Mar kasta oo suxufiyiintu ka hadlaan arimo khuseeya khayraad waxay u badan tahay inay la kulmaan cadaadis.
Xarunta Xuquuqal Insaanku waxay ka welwelsan tahay dul qaad yaraanta sii kordhaysa ee dawladdu aanay u dul lahayn warbaahinta. Labadii sano ee u danbeeyey waxa dawladdu xayirtay afar wargeysa oo kala ah Haatuf, Somaliland Times, Hubaal iyo the Independen.
Xarunta Xuquuqal Insaanku waxay u soo jeedinaysaa dawladdu inay sii dayso Axmed Siiciid Maxamed.
Guuleed Axmed Jaamac
Gudoomiyaha Xarunta Xuquuqal Insaanka
email: dafac02@hotmail.comMobile: +252 (0) 63 4468227
– See more at: http://ramaasnews.com/index.php/News/Xarunta-Xuquuqal-Insaanku-waxay-canbaaraynaysaa-xadhigga-weriya-lagu-xidhay-Berbera.html#sthash.BeRl0G1h.dpuf