Djibouti (Hargeisa Press)- Shirkadaha Dahabshiil Group, ayaa waxaa ay kaalin weyn ka qaadatay Shirweynaha 8aad ee Madasha aragti-wadaaga ee Heritage oo ka furmay dalka Jabuuti.
Shirweynaha 8aad ee madasha aragti-wadaaga, ayaa waxaa sannadkan diiradda lagu saarayaa xoojinta xasiloonida gobolka.
Waxaa sidoo kale shirweynaha diiradda lagu saarayaa muhiimadda u hoggaansanaanta iskaashi ku salaysan shuruucda, ganacsiga iyo nabadda Geeska Afrika.
Shirkadda Dahabshiil Group, ayaa waxaa ay in ka badan 50 sannadood ay doorweyn ka qaadaneysay horumarinta dhaqaalaha iyo ganacsiga ee Geeska Afrika.
Madaxda ugu saraysa Shirkadda Dahabshiil Group, ayaana ka qayb galay shirweynaha madasha aragti-wadaaga.
Shirweynaha madasha aragti-wadaaga, ayaa waxaa sannadkasta soo qaban-qaabiya Machadka Heritage ee Daraasaadka Siyaasadda.
