Eebbe ha u nuuriyo qabriga oo ha naxariisto cheif Caaqil axmed cabdilaahi faarax (Cidhib Barako leh) oo 27 jun 2016 ku geeriyooday magalada Hargaisa, waxuu ka mid ahaa caaqilku Madax-dhaqameed laga wada garanayo gayiga iyo gobolada Soomaaliland iyo dhamaanba dhulwaynaha somaliyeed.
Cheif Caaqil Axmed cabdilaahi faarax (Cidhib Barako leh ) waxa uu dhashay Sannadkii 1914 , sannadkaasi oo ku xardhanaa tariikh ma guurta ah oo ahayd xilligii dagaalkii kowaad ee adduunka uu bilaabmay , isagoo wakhtigaasi ku dhashay hargaisa gaar ahaan toga qalalan ee kala qaybiya magaalada Hargaisa , halkaasi oo ay qoyskoodu xoolo dhaqato iyo reer guuraa ku degenaayeen agaggaarka togga oo waayadii hore loo yiqiin togga Herer.
Alle ha u naxariistee cheif Caaqil Axmed cabdilaahi Faarax waxa uu lahaa Naanays uu ku caanbaxay dadkuna ay u yaqaaneen taas oo ahayd
( Cidhib Barako leh) , micnaha iyo murtida ay xanbaarsantahay Naanaystana ay ahay hal qabsi uu markasta ugu hal cellin jiray cidkasta oo uu la kulmo ama uu arko wuxuna ku odhan cidhib Barako leh , qof walba oo salamana waxaa uu Ku odhan jiray Awwoowo Cidhib Barako leh siddaas ayay ugu baxday Naanaystaa caanka noqotay.
Cheif caaqil axmed cabdilaahi faarax (cidhib barako leh) waxaa hooyadii la odhan jirray faadumo sheekh xujaale
Alle ha u naxariisto caaqil axmed cabdi lahai faarax (Cidhib Barako leh) waxa uu guursaday Afar Xaas marwadiisa ugu horaysay waxaa la odhan jiray Raaxo oo waa ay dhimatay.
Waxaa Ku xigtay faadumo xuseen muxumed oo nool waxaana ay dhashay Shan hablood iyo laba inan, inan ayaa ka dhintay alle ha u naxariistee.
Waxaa ugu Wayne saado axmed, sahra axmed, run axmed ,yuusuf axmed, Cali axmed waxaa Ku xiga raxma axmed iyo amran axmed.
Waxaa Ku xigtay cibaado cabdi cilmi Waxay dhimatay sanadkii 2014kii waxay iyaduna ay u dhashay caaqilka alle ha naxariistee seddex inan mid waa dhintay labana waa noolyihiin waxaa nool maxamed Axmed, cabdiqaadir axmed Iyo laba hablood oo kale ah sacda Axmed iyo khadra Axmed.
Waxaa Ku xigay maryam sheekho oo ugu dambaysay marwooyinkaasa oo iminka nool inkastoo aanay wada joogin balse Qiyaas ahaan waxaa uu fasaxay caaqilku alle ha u naxariistii muddo lagu qiyaaso 25sanno ka horr sidda aan kasoo xigtay tafiirta Qoyska caaqil axmed cabdilahi faarax (cidhib barako leh) .
Guud ahaan wadarta awlaada cheif caaqil Axmed cabdilaahi faarax (cidhib barako leh) waxay Noqonaysaa 12 carrura waxaan nool 10 qof
Guud ahaan waxaa ka farcamay 240 oo ku abtirsada tafiirta cheif caaqil axme cabdilahi faarah (cidhib barako leh) .
Waayihiisa dhallaanimo waxa uu ku Qaatay hargisa oo wakhtigaasi cidlo ahayd halkaasi oo uu ku raaci jirray maqasha iyo Geella gaar ahaan meesha hadda loo yaqaan fooqa jajabka ee dooxa xigta .
Caaqil axmed cabdilaahi faarax(cidhib barako leh) waxa uu ahaa nin farshaxana oo qora Kooraha , qabaalka, mooyaha, kalaxa, quddaha, fandhaalka, dhakalka (doobi qori), dhiil qori, koorta, iyo samayda/ waranka, buddadka, gaashaanka, toorreyda, gamuunka iyo qaansada Iwm
Waxaa kaloo ka mid ahaa farsamooyinka uu yaqaanay caaqil axmed cabdilaahi faarax alle ha u naxariistee ee xirfada uu u lahaa dawliga, iyo yeesha, oodidda, sahaminta, raacidda , waraabinta, Nabadayta wuxuuna Aqoon durugsan u lahaa dhulka wuxuuna ahaa Dad yaqaan, Degaan yaqaan iyo Dal yaqaan .
Marxuum axmed cabdilahi faarax (cidhib barako leh) waxa uu ku xusanyahay buug ay Qortay gabadh u dhallatay Dalka Canada oo layidh margate laurence ,buugaasi oo magaciisa layidhaa Koortii hashii Nabiga NNKH , ( “The Prophets camel Bell” ?
NB Qormooyinkeena kale ayaynu kaga sheekaynaynaa buugaasi haddii alle idmo.
Marxuum caaqil axmed cabdilaahi faarax (cidhib barako leh) isaga oo aad u da,yar ayaa aabihii caaqil cabdilaahi faarax uu dhintay waxaana loo cumaamaday xilka caaqilnimada caaqil axmed cabdilahi faarax (Cidhib Barako leh) isaga oo qiyaas ahaan 30 gu’ jirra wakhtigaasi
Maxaa lagu xasuustaa cheif caaqil axmed cabdilaahi faarax ( cidhib barako leh)
Alle ha u naxariisto caaqil axmed cabdilaahi faarax waxaa lagu xasuustaa waxa uu ahaa qof cibaadado badan waxa uu kici jiray saqda dhaxe waxaanu tukan jiray sallatul laylka isagoo siddoo kale u ducayn jiray dadka oo dhan wixii islaaama wixii ehela wixii qaraabo ah dhamaantood .
wax adduun dhaqday majirin ama uu ifka kaga tagay sabatoo ah waxa uu masaakiinta iyo dadka tabalaysan u qaybin jiray waxa soo gala waxuuna odhan jiray adduunku waxba ma taro waxaa loo shaqaystaa aakhiro .
Waxaa kaloo lagu xasuustaa dharka loo keeno xilliyada munaasibadaha ee hadiyad ahaan loogu keeno waxaa uu siin jiray dadka danyarta ah .
Sida uu ii sheegay wiil uu awoow u ayahay alle ha u naxariistee caaqil axmed cabdilahi faarax (cidhib barako leh) oo layidhaa mubaarig Waxaa shandadiisa laga soo saaray macawis iyo shaadh, go ‘shaala iyo cumaamad
Waxaa magiiciisa la odhan jiray (cidhib Barako leh) qof walba oo salama waxaa uu kuu odhan jiray Awwoow cidhib baarako leh
Waxa uu siddoo kale mubaarig oo uu caaqilku awwoow u ahaa alle ha u naxariistee ii sheegay in uu caaqil axmed cabdilahai farax cidhib barako leh uu mushaharkiisa u bixin jirray saddaqo.
Alle ha u naxariistee caaqil axmed cabdilaahi faarax (cidhib barako leh ) waxa lagu xasuustaa muu qaadan jirrin laaluushka sida ay shegeen dadkii asxaabta ay ahaayeen kamanuuna laaban jirrin waxiii run ah ee la gudboon
Waxaa uu kaso shaqeeyay doorkii nabadayntan iyo dib u dhiska somaliland waxaa uu door laxaad leh ka qaatay nabadayntii dadka iyo dib u dhiskii dalka isaga oo aan marnaba noqonin mucaarid waxaanu odhan jirray mucaaridadu waa in wax lagu toosiyo ee maaha in wax lagu dumiyo muu la dhacsanayn mucaaradada fadqalalada iyo dagaalka dhasha ee mucaaridku hogaaminayo ama dad gaari wataan .
Waxaa had iyo jeer afkiisa kasoobixi jirray ereyadan
ilaahay waa midd.
Isagaa mudanoo
isagaa mahad leh
soof xalaaliyo sahay aakhiro
Waa kalmadihii afkiisa aan ka bixin jirin
Alle ha u naxariis cheif caaqil axmed cabdilahi faarax (CIDHIB BARAKO LEH )
Lasoco Qaybta labaad
W/Q:-MAXAMUUD CARAB CABDU ( SABUUB)