Hargeysa (Hargeisa Press)- Inta lagu jiro xiisadda Badda Cas ee sii xoogaysanaysa, fursad adag ayaa sugaysa bulshada caalamka—fursad lagu soo af-jari karo go’doominta diblomaasiyadeed ee 33-sanno ee Somaliland, oo hore u ahaan jirtay maxmiyad British ah.
In kasta oo UK iyo USA ay ku hawlan yihiin dagaalka ka dhanka ah bartilmaameedyada Xuutiyiinta Yemen, dimuqraadiyadda xasilloon ee Somaliland waxa ay mugdi sii galaysaa khilaafka caalamiga ah ee joogtada ah.
Somaliland oo ku taal Geeska Afrika, oo leh xeeb dhererkeedu dhan yahay 531 mayl, waxay si madaxbannaan ugu shaqaynaysay in ka badan soddon sano oo dimuqraadi ah.
Si kastaba ha ahaatee, raadinta aqoonsi rasmi ah waxaa hor istaagaya sheegashada guud ee Soomaaliya, inkastoo ay Soomaaliya ka jirtay taariikh murugo leh oo ah dagaal sokeeye, budhcad-badeed, iyo hoggaamiye kooxeedyo. Somaliland si ka duwan, waxay u taagan tahay ifafaale xasilooni.
Arrinta sii murjisay, Somaliland waxay ku eedaysay in argagixisada Xuutiyiintu ay ka faa’iidaystaan dhulka buuraleyda ah ee Soomaaliya ee u dhow xuduudkooda si ay hawl-gallo uga keenaan.
Caalamku wuu og yahay muhiimadda istiraatijiyadeed ee Somaliland, gaar ahaan dekedda weyn ee Berbera oo ah xudunta maraakiibta muhiimka ah, oo ah goob muhiim u ah dhoofinta Bariga Afrika, iyo saldhig suurtagal ah oo ay ku yeelan karaan maraakiibta dagaalka ee UK iyo Mareykanka.
Maqnaanshaha ictiraafka caalamiga ahi maaha oo kaliya caddaalad-darro balse waxa ay sidoo kale caqabad ku tahay wax-soo-saarka waxtarka leh ee Somaliland.
Heshiis is-faham oo ay Somaliland dhawaan la gashay Itoobiya, oo ay ku raadinayso xulafaysi deked kadib markii ay wayday xeebteeda Eriteeriya, waxa ay hoosta ka xariiqday suurtogalnimada in la iska kaashado xallinta mashaqada Badda Cas.
Inkasta oo aqoonsiga Itoobiya ee Somaliland ay la kulmeen mudaaharaadyo abaabulan oo ka dhacay Soomaaliya, haddana waxay muujinaysaa arrimo qoto dheer. Somaliland waxay u taagan tahay nabad, xasilloon, dimuquraadi ah oo leh ciidan u gaar ah, dawladeed, nidaam cashuureed iyo nidaam sharci.
Si gaar ah, waxay mudnaan siinaysaa helitaanka waxbarashada iyo daryeelka caafimaadka haweenka, taasoo ka duwan dhiggeeda gobolka.
Si ka duwan Soomaaliya, oo uu Madaxweyne Xasan Sheekh Maxamuud la tacaalayo sidii uu u maamuli lahaa xitaa caasimadda Muqdisho, xasiloonida Somaliland waxay u soo ifbaxday iftiin rajo ah.
Xiisadda Badda Cas ee hadda jirta waxay sii xoojinaysaa baahida degdegga ah ee loo qabo aqoonsiga Somaliland.
Xuduudaha Somaliland oo uu Ingiriisku wakhti hore ku heshiiyey oo maab lagu sameeyey, ayaa u baahan in la qiro. Somaliland oo ah waddankii 12-aad ee Afrikaan ah ee qaata madaxbannaanida, iyada oo kaalmo muhiim ah ka helaysa UK, Somaliland waxay u taagan tahay inay noqoto saaxiib lama huraan ah wakhtiyada dhibka iyo barwaaqada labadaba.
Bulshada caalamku waa inay si dhab ah uga hawlgashaa sidii ay u saxi lahayd cadaalad daradan daba dheeraatay, iyadoo la aqoonsanayo kartida ay Somaliland u leedahay inay door muhiim ah ka qaadato xalinta mashaqada Badda Cas.