Boocame (HP): Dagaal u dhexeeya laba beelood ayaa maanta ka dhacay duleedka birta dheer oo ka tirsan degmadda Boocame ee gobolka Sool.
Wararka laga helayo dagaalkaasi ayaa sheegaya in khasaare badani halkaa uu ka dhashay, oo isugu jira dhimasho, dhaawac iyo dad la qafaasheyba.
Dagaalkan ayaa dhacay ka dib markii ay dabley hubaysan ay saaka weerar ku qaadeen tuulo lagu magcaabo Filley oo Boocame Koonfur barri kaga quman, una dhaw Far-dhidin.
Dagaalkan ayaa dhacay xili ay socotey wada hadal labada beelood u dhexeeya, kaas oo la filayey in uu xal laga gaadho sida ay guddiga labada dhinac u dhexaysey ay sheegeen.
Arrintan saaka dagaalka sababtay ayaa ka dhalatay degaameyn cusub oo degaanka marka hore la isku dilay dib looga bilaabay.
Hargeisa Presss.com/Hargeisa Office.