Waxaana sidoo kale bandhig fanneedkan ka soo qaybgalay Guddida qaran ee qabanqaabada munaasibada xuska Qaranimada Somaliland iyo masuuliyiin kala duwan.
Kooxda Wasaaradda ee dhinaca fanka, ayaa munaasibadaasi ku soo bandhigay masraxiyad fanneed soo jiitay dareenka iyo indhaha madaxda iyo martida ka qaybgashay.
Wasiirka Wasaaradda Warfaafinta, Dhaqanka iyo wacyigelinta Sh. Axmedyasin Sh. Cali Ayaanle, Agaasimaha guud ee wasaaradda iyo xubno kamida golaha Wasiirrada iyo masuuliyiin kale ayaa goob-joog ka ahaa daawashada barmaamujkan sharibka iyo shaacin fagaareedka ahaa.
Suugaanta lagu soo bandhigay madasha ayaa xambaarsan farriimo waddaniyaddeed oo bulshada loogu talogalay in lagu baraarujiyo maalmaha dabaal-degyada Qaranka ee socda, gaar ahaan munaasibadaha dhici doona maalinta iyo habeenka 18 May.
