Hargeisa (Hargeisa Press) – Wasaarada horumarinta Caafimaadka Somaliland ayaa maanta shaacisay kiisas cusub oo xanuunka Coronavirus ah.
Madaxa Xidhiidhka dadweynaha ee Wasaaradda horumarinta Caafimaadka Xuseen Muxumed oo ku sugan magaaladda Burco ayaa soo bandhigay kiisaskaasi caabuqa ah.
Mas’uulkan ayaa ka warbixiyey Xaalada Guud ee dalka shantii cisho ee u danbeeyay waxaanu xusay in la Shaybaadhay 405 iyadoo Cudurkan laga helay 16 Qof kuwaas oo isugu jira 10 rag ah iyo 6 haween ah isla markaana ku kala nool Goboladda Saaxil,Maroodi Jeex iyo Sool.
Xuseen Muxumed waxa uu intaas ku daray in aanay Jirin wax Kiis ah oo Dhimasho ah, Waxaa kale oo uu Mas’uulkani sheegay inay Xannuunkan ka bogsadeen 896.
Madaxa Xidhiidhka dadweynaha ee Wasaaradda Horumarinta Caafimaadku waxa uu bulshadda ugu baaqay inay Taxadir dheeraad ah Muujiyaan.